O‘zbekistonda 26-mart kuni 186 kishida koronavirus infeksiyasi tasdiqlanib, infeksiya qayd etilganlarning umumiy soni 82 146 kishiga yetdi. Sog‘liqni saqlash vazirligi ma’lumotiga ko‘ra, bu 2021-yildagi yangi antirekorddir. Avvalgi antirekord (144 kishi) bir kun avval — 25-mart kuni qayd etilgan edi.
Yangi kasallanish holatlarining
- 1 nafari Andijon viloyatida,
- 7 nafari Buxoro viloyatida,
- 6 nafari Qashqadaryo viloyatida,
- 4 nafari Namangan viloyatida,
- 1 nafari Samarqand viloyatida,
- 2 nafari Sirdaryo viloyatida,
- 1 nafari Farg‘ona viloyatida,
- 4 nafari Xorazm viloyatida,
- 17 nafari Toshkent viloyatida,
- 143 tasi Toshkent shahrida
Shuningdek, 1 nafar koronavirusga chalingan bemor vafot etib, kasallikdan vafot etganlar soni 625 nafarga yetdi. Eslatib o‘tamiz, SSV 10-fevraldan beri birinchi marta O‘zbekistonda koronavirus oqibatida bemor vafot etgani haqida 23-mart kuni axborot bergandi.
SSVning qo‘shimcha qilishicha, o‘tgan bir sutka davomida Toshkent viloyatida 18 kishi, Toshkent shahrida esa 94 kishi, respublika bo‘yicha jami 112 kishi COVID-19 kasalligidan sog‘aygan (sog‘ayganlar soni 80 360 kishi). Sog‘ayish ko‘rsatkichi 98 foizni tashkil etmoqda.
“Ayni paytda tibbiyot muassasalarida davolanayotgan 1161 nafar bemordan 191 nafari og‘ir, 85 nafari esa o‘ta og‘ir ahvolda”, — deyiladi SSV xabarida.
Avvalroq Toshkentda 99 yoshli onaxon koronavirusdan sog‘ayib chiqqani ma’lum bo‘lgan edi.
Izoh (0)