Kanadada Enji Kerryer ismli ayol tug‘ilgan kunini baliq ovlash bilan nishonlayotganida uning iPhone 11 Pro smartfoni Vaskesu ko‘liga tushib ketgan, deb xabar beradi Hi-Tech.Mail.ru.
Oradan bir oy o‘tgach, ayol smartfonini suvdan chiqarib olishga urinish maqsadida yana ko‘lga kelgan. Buning uchun u do‘stlari bilan qarmoqqa magnit va maxsus suv osti kamerasini ilgan — bularning barchasiga ikki soatga yaqin vaqt sarflangan.
Ayol uyiga qaytib kelib iPhone’ni qurutgan va quvvatlanishga qo‘ygan — smartfon yana ishlay boshlagan. Uning so‘zlariga ko‘ra, smartfon to‘liq soz holatda, hech narsa ishdan chiqmagan.
iPhone 11 Pro chang va namlikdan IP68 standarti bo‘yicha himoyalangan — reglamentga ko‘ra, u chuqurligi ikki metrgacha bo‘lgan suv ostida yarim soat tura oladi. Ko‘l ostida esa qurilma 30 kun yotgan va chuqurligi ham bundan ko‘proq.
Avvalroq yarim yil ko‘l ostida yotgan iPhone 11 baribir ishlashni davom etgani to‘g‘risida xabar berilgandi.
Izoh (0)