Qilmishlari bilan kinosanoatdagi obro‘siga putur yetkazgan Bollivud yulduzlari (foto)

Yulduzlar ekranda mukammal, muxlislar uchun benuqson ko‘rinadi. Lekin ular ham boshqa oddiy odamlar singari xato qilishi va yo‘ldan adashishi mumkin. Asosiysi esa buni o‘z vaqtida tan olish va to‘g‘ri xulosa chiqarish.

Shiney Axuja

Uylangan bo‘lishiga qaramay, oqsoch qizga tegajog‘lik qilganlikda ayblangan Shineyning ishi hatto sudgacha borgan. Shundan keyin aktyor ustidan bir filmda suratga tushayotgan aktrisa ham shikoyat qilgan. Shu kabi muammolardan keyin obro‘sizlangan aktyor kinosanoatda ko‘rinmay qolgan.

Vivek Oberoy

Ayshvariya Rayning sha’nini Salmon Xondan himoya qilmoqchi bo‘lgan Vivek uni muzokaraga chorlagan. Unda mag‘lub bo‘lib, sevimli qizidan ayrilganidan keyin, obro‘si tushib ketgan. Karyerasi borasida ham omadsizlik kuzatilgan.

Arjun Rampal

Janob Rampal Bollivud yulduzi Ritik Roshanning rafiqasiga “ko‘z suzganlikda” ayblangan. Keyinroq oilali Gambriella Demetriadesga ilakishib qolgan. Bu ham yetmaganidek 2020-yilda qaylig‘i va ukasining taqiqlangan preparatlarga aralashib qolgani uning uning karyerasi va obro‘siga putur yetkazgan.

Ritik Roshan

Ritish Roshan bilan birga suratga tushgan Kangana Ranaut o‘rtalarida munosabat bo‘lgani haqida olamga ovoza qilgan. Bu mashmashalar bir yilga cho‘zilganidan keyin Ritik rafiqasi bilan ajrashgan, ammo Kangana bilan boshqa aloqa qilmagan.

Salmon Xon

Aktyor allaqachon hind kinosanoatida yomonotliq bo‘lib bo‘lgan. U brakonyerlik, hamkasblari bilan janjallashish, mafiya bilan aloqada bo‘lganlikda ayblangan va suddan boshi chiqmay qolgan.

Sanjay Datt

Salmon Xon do‘stining reputatsiyasi undan ham yomonroq. Uning qilmishlari va qing‘ir ishlari haqida uning o‘zi ham ochiqchasiga tan oladi. Ranbir Kapur bosh rolni ijro qilgan “Sanju” nomli biografik filmda bu haqida hikoya qilinadi.