Bugun,

  • USD 11095.31
  • RUB 173.84
  • EUR 10772.44

Filmfare Awards mukofotini “Eng yaxshi aktrisa” yo‘nalishi bo‘yicha 7 karra sovrindori bo‘lgan Rani Mukerji faoliyatini 90-yillar so‘ngida boshlagan bo‘lib, bugungi qadar ellikdan ortiq loyihalarda ishtirok etib ulgurgan. Nozik, kuchli, emotsional qahramonlarni gavdalantirishi mumkin bo‘lgan aktrisa ishtirokidagi eng yaxshi filmlar haqida ma’lumot berib o‘tamiz.

“Hayotda hamma narsa bo‘ladi” (1998)

Foto: “Yandeks Dzen”

Foto: “Yandeks Dzen”

Film sujetiga ko‘ra Rahul (Shohrux Xon) va Anjali (Kajol) bir kollejda o‘qiydigan qadrdon do‘stlar bo‘ladi. Kunlardan bir kuni ularning o‘quv muassasasiga yangi talaba Tina (Rani Mukerji) o‘qishga keladi. Tina va Rahul bir-birini sevib qoladi, ammo qiz Anjali yigitga ko‘ngil qo‘yganini yaxshi tushunadi. Bu vaqtda Rahul Anjaliga Tinani sevib qolgani haqida aytib beradi.

Foto: “Yandeks Dzen”

Foto: “Yandeks Dzen”

Qalbi parchalangan Anjali o‘qishni tashlab, uyga qaytmoqchi bo‘ladi. Sevishganlar turmush qurganidan keyin farzandli bo‘ladi. Dunyoga kelgan qizga Anjali deb ism qo‘ygan Tina oradan ko‘p o‘tmay vafot etadi. U qiziga har tug‘ilgan kunida o‘qish uchun sakkizta xat yozib qoldiradi. So‘nggi xatida u do‘stligi Anjali haqida hikoya qilib, qizidan otasi bilan uni birlashtirishini so‘raydi.

“Ayol dardi” (2001)

Foto: “Yandeks Dzen”

Foto: “Yandeks Dzen”

Magnatning nabirasi Raj (Salmon Xon) do‘stining to‘yida Priya (Rani Mukerji) bilan tanishmagunicha o‘zi istaganidek hayot kechiradi va uylanish niyati bo‘lmaydi. Juftlik oila qurganidan keyin Priya homilador bo‘ladi, ammo baxtsiz hodisa tufayli bolasi tushib qoladi.

Foto: “Yandeks Dzen”

Foto: “Yandeks Dzen”

Shundan keyin shifokor ular boshqa farzandli bo‘la olmasligini ma’lum qiladi. Juftlik bu yangilikni oila a’zolaridan yashirishga harakat qiladi. Priya erini boshqa turmush qurishga ko‘ndirmoqchi bo‘ladi, Raj buni qat’iy inkor qilganidan keyin esa surrogat ona topishga to‘g‘ri keladi. Bunga tungi klubda ishlaydigan raqqosa Madhubala (Priti Zinta) rozilik beradi. Shundan keyin Raj Priya va Madhu bilan Shveysariyaga ketishga va bola bilan qaytishga qaror qiladi.

“Banti va Babli” (2005)

Foto: “Yandeks Dzen”

Foto: “Yandeks Dzen”

Asosiy qahramonlar Vimmi va Rakesh kambag‘al oilada voyaga yetgan. Rani Mukerji ijrosidagi Vimmi bolaligidan Hindiston go‘zali maqomiga erishishni istaydi, ammo uni ota-onasi turmushga berib yubormoqchi bo‘ladi.

Foto: “Yandeks Dzen”

Foto: “Yandeks Dzen”

Otasini izidan ketishni istamagan Rakesh (Abhishek Bachchan) o‘z ishini boshlamoqchi bo‘ladi. Har ikki qahramon ham orzulariga erishish uchun uyidan qochib ketadi. Ammo achchiq haqiqat bilan yuzma-yuz kelganidan keyin orzularini amalga oshira olmaydi.

Izoh
Asosiy yangiliklar
Mahalliy
Yangiyo‘lda kanalda cho‘kib ketgan 16 yoshli bolaning jasadi bir kun o‘tib topildi  — FVV
Mahalliy
Andijonda harakatlanib ketayotgan Matiz to‘liq yonib ketdi
Kitob
“Shayton kitob timsolida hayotimga kirib kelgan va barcha narsani o‘ziniki qilib olgan edi…” “Qora kitob” asari haqida