YuNESKO bosh direktori Odre Azulening ta’kidlashicha, 2030-yilgacha dunyo 40 foiz miqdorda suv tanqisligi muammosiga duch keladi. Bu haqda “Korrespondent.net” xabar berdi.
Uning so’zlariga ko‘ra, suv tanqisligi bilan bog‘liq vaziyat boshqa global muammolar, shu jumladan, pandemiya oqibatlari tufayli yanada og‘irlashadi.
Azulening ta’kidlashicha, dunyo suv resurslarini tejash uchun yetarlicha chora ko‘rmayapti va endi ularning qiymatini to‘g‘ri baholash masalasida keskin savol paydo bo‘ladi.
“Suv bizning eng qimmatli boyligimiz, ikki milliarddan ortiq odam to‘g‘ridan to‘g‘ri erisha olmaydigan ‘moviy oltin’. U nafaqat yashab qolish uchun kerak, balki inson jamiyatlarida sanitar, ijtimoiy va madaniy rol o‘ynaydi”, — deb ta’kidladi tashkilot rahbari.
Maqbul siyosat variantlarini aniqlash uchun Odre Azule masalaga suv resurslarining turli jihatlarini ko‘rib chiqishga imkon beradigan kompleks yondashuvni ishlab chiqishni taklif qildi.
Avvalroq BMT bosh kotib Antoniu Guterrish shoshilinch choralar ko‘rilmasa, dunyo bo‘ylab millionlab odam ocharchilik yoqasiga borib qolishi mumkinligi haqida ogohlantirgan edi.
Izoh (0)