Samsung Galaxy A52 va A72 taqdim etildi: smartfonlar narxi ma’lum

Samsung kompaniyasi to‘rtta kamera va katta ekranli, shuningdek, suvdan himoyalangan korpusga o‘rta narxdagi ikki smartfonini taqdim etdi, deb xabar beradi Hi-Tech.Mail.ru.

Galaxy A52 ikkita butun dunyodagi eng ko‘p sotilgan smartfonlarga aylangan Galaxy A51 va A50’ning to‘g‘ridan to‘g‘ri davomchisiga aylandi. Galaxy A72 ko‘p jihatdan kichik modelga o‘xshaydi, faqat bir pog‘ona ustun — ekran kattaroq, kamerasi yaxshi va akkumulyator sig‘imi katta.

O‘zidan oldingi avlodlardan farqli o‘laroq, yangi smartfonlar alyuminiy romli korpus va plastik qopqoqqa ega bo‘lgan. Shu bilan birga, IP67 standarti bo‘yicha suv va changdan himoyalangan — bu IP68’dan ancha past himoya daraja bo‘lsa-da, suvga tushishdan himoyalangan.

Galaxy A52 va A72’ga eng yuqori yorqinlik darajasi 800 nitga teng va 90 gertsli yangilanish chastotasiga ega Super AMOLED-displey o‘rnatilgan. Ikkala holatda ham barmoq izi skaneri ekranning o‘ziga o‘rnatilgan.

Kameralar jamlanmasi standart. Galaxy A52’ning asosiy moduli 64 megapiksellni tashkil etadi, shuningdek, 12 megapikselli keng burchakli, 5 megapikselli makro-kamera va chuqurlikni o‘lchovchi datchik o‘rnatilgan. Galaxy A72’ga chuqurlikni o‘lchovchi telefotoobyektiv o‘rniga 3 karra yaqinlashituvchi zum o‘rnatilgan.

Ikkala smartfon ham Snapdragon 720G protsessorida ishlaydi, ayrim bozorlar uchun Snapdragon 750G o‘rnatilgan Galaxy A52 5G sotuvga chiqariladi. Bunga qo‘shimcha ravishda 4, 6 yoki 8 gigabayt tezkor xotira va 128/256 gigabayt ichki xotira ham mavjud. Modellarning akkumulyatorlarida o‘rtasida kichik tafovut bor — 4500 va 5000 mA/soat.

Galaxy A52 va A72 o‘zidan oldingi modellardan qimmatroq — mos ravishda 365 va 445 dollar (2019-yil oxitida Galaxy A51 narxi 270 dollarni tashkil etgandi). Narxlardagi bu kabi farq smartfon tannarxining qimmatlashgani bilan izohlanmoqda.