AQSh Savdo vazirligi Rossiya oppozitsiyasi rahbari Aleksey Navalniyning zaharlanishi tufayli 18-martdan boshlab Rossiyaga qarshi yangi savdo cheklovlarini joriy qiladi. Bu haqda vazirlik veb-saytida ma’lum qilindi, deb yozadi Meduza.
“Savdo vazirligi AQShning ikki tomonlama texnologiyasiga Rossiyaning kirish huquqini qo‘lga kiritishiga yo‘l qo‘ymaslikka intilmoqda, chunki Rossiya ushbu texnologiyadan zararli kimyoviy qurol faoliyati uchun foydalanishi mumkin”, — deyiladi vazirlik xabarida.
Amerika Qo‘shma Shtatlari Rossiyaga milliy xavfsizlik bilan bog‘liq uskunalar, texnologiyalar va dasturiy ta’minot eksporti va reeksportini cheklaydi. Bir qator tovar va xizmat toifalari, xususan, fuqaro aviatsiyasi va kosmik sohaga tegishli bo‘lgan imtiyozlar bundan mustasno.
2-mart kuni Yevroittifoq va AQSh Navalniy ishi yuzasidan Rossiyaga qarshi sanksiyalar kiritgan edi. Rossiya bosh prokurori Igor Krasnov, Tergov qo‘mitasi rahbari Aleksandr Bastrikin, Rosgvardiya rahbari Viktor Zolotov va Jazolarni ijro etish federal xizmati direktori Aleksandr Kalashnikov sanksiyalar ta’siriga uchradi. Ularning Yevroittifoqqa kirishi taqiqlanadi, shuningdek, ularning Yevroittifoq hududidagi aktivlari muzlatib qo‘yiladi.
Rossiya Tashqi ishlar vazirligi Yevroittifoq va AQShning yangi sanksiyalarini “Rossiyaga qarshi dushmanlarcha hamla” deb atadi. Birlashgan Millatlar Tashkiloti esa AQSh sanksiyalari Rossiyaning inson huquqlariga zid ekanini aytdi.
Izoh (0)