Megan Markl, Naomi Kempbell va irqchilik bilan to‘qnash kelgan boshqa yulduzlar (foto)

Insoniyat orasida teri rangi va kelib chiqishi tufayli odamlarga nisbatan kamsitish va  bepisandlik holatlari ham tez-tez uchraydi. Ular orasida taniqli yulduzlar ham bu kabi azob-uqubatlarga duchor bo‘lgan.

Megan Markl

Amerikalik sobiq aktrisa so‘nggi yillarda irqchilikka qarshi kurash bo‘yicha bosh bo‘lib kelmoqda. U oldin ham qora tanli onasi ham haqoratga uchraganini tan olgan. “Qonim aralashgan. Hayotimning ko‘p qismida o‘zimni chetda his qilaman. Shu sababli haqorat va shafqatsiz hazillar menga qattiq azob beradi”, − deydi Megan.

Shahzoda Garrining rafiqasi Britaniya qirollik oilasiga kirgan birinchi aralash irqli ayol bo‘ldi. Meganning so‘zlariga ko‘ra, uni qabul qilishmagan. Sasseks gersoginyasi Opra Uinfriga bergan intervyusida turmush o‘rtog‘ining qarindoshlaridan biri uning huzurida o‘g‘li Archini “o‘ta jigarrang” ekanligidan noroziligini ochiq bildirgan. Ammo shahzoda Garri rafiqasini qo‘llab-quvvatlaydi. U hattoki qirollik vakolatlaridan ham voz kechgan. Shundan so‘ng u Buyuk Britaniyadan rafiqasi va o‘g‘li bilan AQShga ko‘chib ketgan.

Mishel Obama

Prinston va Garvard bitiruvchisi bir vaqtlar qimmatbaho do‘konda noqulay vaziyatga tushib qolganini ma’lum qilgan. U yerdagi yolg‘iz qora tanli ayol bo‘lgani uchun ham uni sotuvchi deb o‘ylashgan. Ammo turmush o‘rtog‘i Barak Obama AQShning birinchi afroamerikalik prezidentiga aylanganidan so‘ng u dahshatga tushgan. Oq uyning birinchi qora tanli xonimi maqomi unga juda qattiq va og‘riqli tarzda berilgan. Amerikaning sobiq birinchi xonimining aytishicha, Vashington rasmiylari uni “poshnadagi maymun” deb atagan. “Hanuzgacha terimning rangi tufayli meni borimcha qabul qila olmaydigan odamlar bor. Biz bunday tahqirlanishlarga shu qadar tez-tez dosh beramizki, o‘zimizni azoblanayotganimizni  sezmay ham qolganmiz. Shu tarzda mayda-mayda jarohatlar bilan yashayapmiz”, − deydi Obama xonim.

Naomi Kempbell

Naomi aynan qora terisi tufayli ham boricha qabul qilindi. “Qora pantera”ning atrofida taniqli xonanda, tadbirkor va ishbilarmonlar bor edi. U model biznesida yangilik boshlagan va har qanday millatdagi qizlar uchun podiumga yo‘l ochdi. Shuningdek, model o‘zining tarjimayi holida, hayoti davomida irqchilikka qarchi kurashganini aytib o‘tgan.

Karyerasining boshida ko‘plab yuqori darajadagi moda uylarining eshigi uning millati uchun yopiq edi. “Yoshligimdan kastinglarda qatnashib, qora tanli bo‘lish nimani anglatishini tushundim. Buning uchun sizdan ko‘proq kuch talab etiladi. Siz har doim ikki baravar yaxshi bo‘lishingiz kerak”, − deydi Naomi.

Serena Uilyams

Dunyodagi eng mahoratli tennsichilardan birining butun hayoti adolatsizlikka qarshi kurashdan iborat. U eng katta nohaqlikka 19 yoshida duch kelgan. “Stadionda oq tanlilar 99 fozini tashkil etgan. Ularning barchasi faqat yomon so‘zlar bilan baqirgan. Irqiy kamsitishlar juda baland va tajovuzkor tarzda eshitilgan. Men ularni yuragim bilan eshitgandim”, − deydi Uilyams. U ko‘p bora masxara qilinishiga qaramay, o‘zini qo‘lga olgan. Biroq uyiga qaytgunga qadar ko‘z yoshini tiya olmagan.

Qora tanli tennischi xayriya ishlarida faol ishtirok etdi. Shuningdek, Afrikada bir qancha maktab ham qurgan. Megan Markl bilan ham dugona. Bunda ularga irqiy kamsitilishiga qarshi kurashishdagi qat’iyat yordam berdi.

Lyusi Lyu

Lyusi Lyu Gollivudda dahshatli va tizimli irqchilik mavjudligini da’vo qildi. Xitoylik muhojir oliy ma’lumotli insonlarning qizi yangi vatanda omon qolish uchun qora ishlar bilan shug‘ullangan. Lyusi aktrisa bo‘lishga qaror qilganidan so‘ng o‘ziga nisbatan nafrat tuyg‘usini his etdi. “Men oyiga 2-3 marta bunday holatga duch kelganman, do‘stim esa haftasiga 10 marta, ba’zilar esa kuniga 10 marta ham eshitgan”, − deydi aktrisa. Lyusi taniqli bo‘lganida ham kamsitishlarga duch kelishdan to‘xtamadi.