Avstraliyada qanotlari egasi tomonidan kesilgan to‘tiqushga donor patlari ko‘chirib o‘tkazildi (foto)

Vey Vey laqabli uzundum yashil to‘tiqush 2021-yilning fevral oyi oxirida Avstraliyaning Brisbeyn shahridagi The Unusual Pet Vets veterinar klinikaga olib kelindi. O‘sha vaqtda qushning qanotlari kesilgan edi. Bu ko‘pincha qushlarning uchib ketmasligi uchun amalga oshiriladi. Ammo Vey Veyning egasi hech qanday hisob-kitobsiz patlarni kesib tashlagan va unga azob bergan.

Shundan so‘ng to‘tiqush yiqilib, oyog‘idan jarohat olgan. Bundan tashqari, pastki uchish patlarining yo‘qligi ham qushda og‘riq, qon ketishini keltirib chiqargan.

Qushga yordam berishni o‘z zimmasiga olgan shifokor-veterinar Ketrin Apuli klinikaga sovg‘a qilingan donor patlar yordamida bir soat ichida yangi qanotlarni yasadi. Buning uchun material yaxshilab yuvilib, tozalangan va quritilgan.

To‘tiqushga yengil behush qiluvchi vosita berilib, ko‘chirib o‘tish amaliyotiga tayyorlangan. Qush egasi patlarning asosiy qismini kesib tashlagani sababli patlar yelimga yopishtirish kerak bo‘lgan. Bundan tashqari, shifokorlar har bir bo‘shliqda yangi qanotlarga kuch beradigan yog‘och tayoqchalar ham o‘rnatdi.

Jarayon yakunlangandan so‘ng qush o‘ziga kelgunga qadar bir necha soat davomida palataga yotqizildi. Birozdan so‘ng shifokorlar qanotlarni amalda sinalganini ko‘rishi uchun ham to‘tiqushga xonada biroz parvoz qilishga imkon berdi. Bu esa Vey Veyga katta zavq bag‘ishladi.

Qush biroz ulg‘aysa, unda tabiiy qanot o‘sib chiqadi. Ko‘chirilgan patlar esa o‘ziniki bilan almashtiriladi. Shu bilan birga, unga ko‘chirilgan patlar tushib qolsa, u donor patlardan xavfsiz ravishda erkin foydalanishi mumkin.