Yaponiya bosh vaziri Yosixide Suga Pfizer kompaniyasining vaksinasi bilan emlandi. U koronavirusga qarshi jamoatchilik oldida emlangan birinchi yapon amaldori bo‘ldi. Vaksinatsiya vazirning AQSh prezidenti Jo Bayden bilan aprel oyiga rejalashtirilgan uchrashuvi oldidan amalga oshirildi. Bu haqda “Kommersant” xabar berdi.
“Og‘riqli bo‘ladi deb o‘ylagan edim, ammo aksincha bo‘ldi”, — dedi vazir jurnalistlarga vaksinatsiyadan keyin.
Avvalroq 72 yoshli bosh vazir Yaponiyada 65 yoshdan oshganlarga umumiy emlash boshlangandan keyingina koronavirusga qarshi emlanishi haqida xabar bergan edi. The Japan Times gazetasining xabar berishicha, Yosixide Suga Vashingtonga uchish oldidan vaksinaning ikkinchi dozasini oladi.
O‘tgan hafta Yaponiya Vazirlar mahkamasi bosh kotibi Katsunobu Kato AQSh va Yaponiya davlat yetakchilarining uchrashuvini tasdiqlagan edi. Yomiuri gazetasi ma’lumotlariga ko‘ra, Oq uydagi uchrashuv 9-aprel kuni bo‘lishi mumkin. Bu Baydenning AQSh prezidenti sifatida chet el rahbari bilan birinchi yuzma-yuz uchrashuvi bo‘ladi.
Avvalroq Italiya prezidenti Serjo Mattarella Lazzaro Spallanzani nomli Rim Milliy yuqumli kasalliklar institutida va Ukraina prezidenti Vladimir Zelenskiy Hindistondagi zavodda AstraZeneca tomonidan ishlab chiqarilgan Covishield vaksinasi bilan koronavirusga qarshi emlangani haqida xabar berilgan edi.
Shuningdek, Hindiston bosh vaziri Narendra Modi koronavirusga qarshi mamlakatda ishlab chiqarilgan COVAXIN vaksinasining birinchi dozasini oldi.
Izoh (0)