Navoiy viloyatining Xatirchi tumani hokimi etib Sayfiddin Nizomov tayinlandi.
Viloyat hokimligi matbuot xizmatining xabar berishicha, bu haqda 15-mart kuni Xalq deputatlari Xatirchi tumani Kengashining navbatdan tashqari sessiyasida ma’lum qilingan.
Tayinlovga qadar Sayfiddin Nizomov Toshkent viloyati hokimining turizm va sportni rivojlantirish masalalari bo‘yicha o‘rinbosari lavozimida faoliyat yuritgan.
Tumanning avvalgi hokimi G‘ofur Aliyev boshqa ishga o‘tgani sababli lavozimidan ozod etilgan.
Avvalroq Navoiy viloyati hokimining sanoatni rivojlantirish, kapital qurilish, kommunikatsiyalar va kommunal xo‘jalik masalalari bo‘yicha o‘rinbosari lavozimiga Bekzod Bobomurodov tayinlangani, Polkovnik Azat Tasbayev Navoiy viloyati IIB boshlig‘i lavozimiga tayinlangani haqida xabar berilgan edi.
Izoh (0)