AstraZeneca kompaniyasining vakili vaksinaning yuzaga kelishi mumkin bo‘lgan nojo‘ya ta’sirlari sababli Yevropaning bir nechta mamlakatlarida taqiqlangani haqida xabarlarga munosabat bildirdi. CNBC kanali bilan suhbatda u jurnalistlarga vaksinaning bezarar ekanini aytgan.
“Bemorlarning xavsizligi AstraZeneca uchun eng ustuvor masala. Tartibga soluvchilar faqat samaradorligi yuqori va xavfsiz vaksinalarni foydalanish uchun tasdiqlaydi va AstraZeneca kompaniyasining vaksinasi shundaylardan biri. Vaksinaning xavflsizligi batafsil o‘rganilgan va ijobiy xulosa berilgan”, — deb ta’kidlagan kompaniya vakili.
Hozirgacha Yevropaning to‘qqiz mamlakati vaksinatsiya qilingan bemorlarda tromb tufayli AstraZeneca bilan emlashni to‘xtatgan yoki vaqtincha cheklab qo‘ygan. Avstriya, Estoniya, Latviya, Litva va Lyuksemburg davlatlari Yevropaning 17 mamlakatiga yetkazib berilgan bir million dozadagi vaksinadan foydalanishni to‘xtatgan. Shuningdek, Daniya, Islandiya va Norvegiya ham ushbu vaksinadan foydalanishni to‘xtatgan.
Yevropaning Dori-darmon vositalari agentligi ma’lumotlariga ko‘ra, Yevroittifoq hududida AstraZeneca vaksinasi bilan emlanganlarning 22 nafarida tromb paydo bo‘lish holati qayd etilgan. Bu hodisa vaksinadan foydalanish bilan bog‘lanmagan, lekin o‘lim holatlarini tekshirish davom etmoqda.
Avvalroq Janubiy Koreya hukumati COVID-19’ga qarshi AstraZeneca vaksinasi bilan emlangan ikki kishining o‘limi yuzasidan tergov boshlagani haqida xabar berilgan edi.
Izoh (0)