O‘zbekistonga 2021-yilning yanvar—fevral oylarida kelib tushgan xalqaro transchegaraviy pul o‘tkazmalari hajmi qariyb 892 million dollarni tashkil etdi, deb xabar bermoqda Markaziy bank matbuot xizmati.
Qayd etilishicha, bu 2020-yilning mos davriga nisbatan 107 million dollarga yoki 14 foizga ko‘p.
Chet elga yuborilgan xalqaro pul o‘tkazmalari miqdori esa yanvar—fevral oylarida 215 million dollarga yetgan. 2020-yilda bu ko‘rsatkich 155 million dollarni tashkil etgan.
“Natijada xalqaro transchegaraviy pul o‘tkazmalari bo‘yicha ijobiy saldo qariyb 677 million dollarga yetdi”, — deyiladi Markaziy bank xabarida.
Izoh (0)