Meksika Kongressining quyi palatasi rekreatsion, tibbiy va ilmiy maqsadlarda kannabis o‘simligidan foydalanganlik uchun jinoiy javobgarlikni bekor qiluvchi qonun loyihasini qabul qildi. Bu haqda Reuters xabar berdi.
Meksika Kongressining 316 nafar deputati qonun qabul qilinishini qo‘llab ovoz bergan bo‘lsa, 127 nafar deputat bunga qarshi chiqdi. Qonun loyihasi marixuanani yetishtirish, qayta ishlash, sotish, tadqiq etish, eksport yoki import qilish uchun besh xil litsenziya berilishini ko‘zda tutadi. Faqat 18 yoshga to‘lgan va ruxsatnoma olgan odamlar marixuana yetishtirishi yoki uni iste’mol qilishi mumkin.
Qonun loyihasining yakuniy tasdiqlanishi uchun parlamentning yuqori palatasiga taqdim etiladi, bu yerda qonun matniga kichik o‘zgarishlar kiritilishi mumkin.
“Bugun biz tarixni yaratyapmiz”, — dedi Lopes Obradorning hukmron partiyasidan bo‘lgan deputat Morena Simey Olvera.
Avvalroq mamlakat prezidenti kannabis va boshqa giyohvand moddalarni qonuniylashtirish Meksikaning kuchli narkokartellariga qarshi kurashishda yordam berishi mumkinligini aytgan edi.
Izoh (0)