Andijon viloyati Izboskan tumanidagi qishloq oilaviy poliklinika (QOP)laridan birining shifokori 200 dollar miqdorida pora olganlikda gumon qilinmoqda. Bu haqda, DXX va Bosh prokuratura huzuridagi departamentning hududiy bo‘linmalariga asoslanib, “Daryo” muxbiri Umidjon Mamarasulov xabar bermoqda.
“Izboskan tumanidagi 30-sonli ‘Do‘stlik’ qishloq oilaviy poliklinikasi umumiy amaliyot shifokori fuqaroning ishonchiga kirib, uni tibbiyot birlashmasidagi yuqori lavozimli tanishlari orqali o‘zi ishlayotgan poliklinikaga 0,75 stavkaga ishga joylashtirishini aytib, buning evaziga esa 200 dollar talab qilgan”, — deyiladi tegishli idoralar taqdim etgan axborotda.
Qishloq oilaviy poliklinikasi shifokori Izboskan tumani A. Jomiy nomli mahalla binosi oldida fuqarodan 200 dollarni olayotgan vaqtida DXX va departament tezkor xodimlari tomonidan ashyoviy dalillar bilan ushlangani aytilmoqda.
Qo‘shimcha qilishlaricha, holat yuzasidan Jinoyat kodeksining 168-moddasi 1-qismi (firibgarlik), 211-moddasi (pora berish) bilan jinoyat ishi qo‘zg‘atilgan, tergov davom etmoqda.
Mavzuga doir:
- Yangiyo‘lda bino hujjatlarini tayyorlab berishini va’da qilib, tadbirkordan pora olayotgan Kadastr agentligi xodimi ushlandi
- Sirdaryoda Davlat soliq boshqarmasi bo‘lim boshlig‘i 1000 dollar pora bilan qo‘lga tushdi
- Jizzaxda daraxtlarning kesilganini yashirish uchun pora talab qilgan atrof-muhitni muhofaza qilish xodimi ushlandi
- Qo‘qon davlat pedagogika institutiga o‘qishga kiritib qo‘yishni va’da qilib, 3 ming dollar olgan dekanga sud hukmi o‘qildi
Izoh (0)