Xakerlar bir nechta mamlakatdagi shifoxonalar, politsiya uchastkalari va ba’zi kompaniyalarga o‘rnatilgan 150 mingdan ortiq kuzatuv kameralariga hujum qilib, ulardan foydalanish imkoniyatini qo‘lga kiritdi. Bu haqda Bloomberg News nashriga tayanib “Interfaks” xabar berdi.
Hujum Verkada kompaniyasi tomonidan ishlab chiqarilgan videokuzatuv kameralariga uyushtirildi, ular foydalanuvchilar tomonidan internet orqali boshqarilishi mumkin.
Bloomberg’ga go‘yoki xakerlardan biri ma’lum qilishicha, kiberhujum xalqaro xakerlar guruhi tomonidan videokuzatuv tizimini buzib kirish qanchalik osonligini ko‘rsatib qo‘yish uchun amalga oshirilgan.
Ma’lumotlarga ko‘ra, xakerlar Tesla’ning Shanxaydagi fabrikalari va omborlaridagi 222 kameradan kadrlar olgan hamda Cloudfare dasturiy ta’minotining AQSh va Buyuk Britaniyadagi yetkazib beruvchisiga tegishli kameralar, shuningdek, bir nechta shifoxona, maktab, qamoqxona va politsiya uchastkalari kuzatuv kameralariga kirgan.
“Har qanday ruxsatsiz kirishning oldini olish maqsadida biz barcha administratorlarning ichki akkauntlarini o‘chirib qo‘ydik”, — dedi Verkada vakili kiberhujumdan xabar topganidan keyin.
Uning so‘zlariga ko‘ra, kompaniya hodisa yuzasidan surishtiruv olib bormoqda.
Avvalroq Microsoft xitoylik xakerlarni AQSh kompaniyalariga hujumda ayblagan edi.
Izoh (0)