OnePlus kompaniyasi asoschisi Karl Pey o‘zining mustaqil audiotexnika brendini yaratish maqsadida 2020-yili kompaniyadan ketgan edi — shunday qilib yangi Nothing kompaniyasi paydo bo‘lgan. Shaffof korpusli noodatiy dizaynga ega Concept 1 naushniklari esa mazkur kompaniyaning birinchi mahsulotiga aylandi, deb xabar beradi Hi-Tech.Mail.ru.
Bu qanaqa naushnik ekanligi, uning o‘ziga xosligi va qancha narxda sotuvga chiqishi — noma’lum. Karl Pey foydalanuvchilar o‘rtasida kuchli qiziqish uyg‘otib, o‘z mahsulotiga oid ma’lumotlarni bosqichma-bosqich e’lon qilib bormoqda. Hozirda u True Wireless (TWS) formatidagi to‘liq simsiz naushnik ekanligi ma’lum.
Texnologiyalar odamlar hayotini yengillashtirishi uchun Karl Pey Nothing kompaniyasining asosiy g‘oyasi sifatida ochiqlik va hamyonboplikni tanlagan. U tez orada naushniklarga oid batafsil ma’lumotlar bilan bo‘lishishni va’da qilgan, hozircha u qachon sotuvga chiqishi to‘g‘risida ham ma’lumot yo‘q.
Karl Pey OnePlus kompaniyasiga 2013-yilda asos solgan edi — u tarkibiga Oppo, Vivo, Realme va boshqa brendlar kiradigan Xitoyning ulkan BBK konsernining sho‘basiga aylangan. 2020-yilning sentabrida u o‘z brendini yaratish maqsadida kompaniyadan ketgan. Google hozirda Nothing kompaniyasiga 15 million dollar sarmoya kiritgan.
Avvalroq Apple naushnik ishlab chiqarishda shishadan foydalanishni rejalashtirayotgani to‘g‘risida xabar berilgandi.
Izoh (0)