Shavkat Mirziyoyevning taklifiga binoan Qirg‘iziston prezidenti Sadir Japarov davlat tashrifi bilan O‘zbekistonga keldi. Ko‘ksaroy qarorgohida oliy darajadagi O‘zbekiston–Qirg‘iziston sammitining asosiy tadbirlari boshlandi. Bu haqda Prezident matbuot xizmati xabar qildi.
Oliy martabali mehmonni rasmiy kutib olish marosimi bo‘ldi.
Dastlab davlat rahbarlarining tor doiradagi muzokaralari o‘tdi. Uchrashuv chog‘ida O‘zbekiston bilan Qirg‘iziston o‘rtasidagi strategik sheriklik munosabatlarini mustahkamlash, ko‘p qirrali hamkorlikni kengaytirish masalalari muhokama qilindi.
O‘zbekiston Prezidenti Shavkat Mirziyoyev Qirg‘iziston prezidenti Sadir Japarovni samimiy qutladi.
Bundan avval Toshkentga yetib kelgan Qirg‘iziston prezidenti Sadir Japarovni bosh vazir Abdulla Aripov kutib olgani hamda Qirg‘iziston prezidenti Sadir Japarov Toshkentda Mustaqillik va ezgulik monumenti poyiga gulchambar qo‘ygani haqida xabar berilgandi.
Izoh (0)