Audiokasseta uchun tasma va kompakt-diskni ixtiro qilgan gollandiyalik muhandis Lu Ottens 94 yoshida Niderlandiyada vafot etdi. Bu haqda mahalliy Dutch News portaliga tayanib Tengrinews xabar berdi.
Ottens 6-mart kuni Shimoliy Brabantdagi uyida vafot etdi.
Ottens muhandislik ma’lumoti bo‘yicha tahsil olgan va 1952-yilda Philips kompaniyasiga ishga kirgan. Sakkiz yildan keyin u kompaniyaning mahsulot ishlab chiqarish bo‘limi boshlig‘i bo‘ldi, bir yil ichida u va jamoasi birinchi portativ magnitofonni ishlab chiqqan. Ikki yildan so‘ng Ottens kompakt kassetalar uchun tasmani ixtiro qildi. Ixtirochining fikriga ko‘ra, kasseta kurtkaning cho‘ntagiga sig‘adigan darajada kichkina bo‘lishi kerak edi. Keyinroq Ottens kompakt diskni ixtiro qildi.
Ixtirochi 1986-yilda nafaqaga chiqqan edi. Portal ma’lumotlariga ko‘ra, Ottens har doim bu ikki ixtiro jamoaviy mehnat mahsuli ekanini ta’kidlagan.
Izoh (0)