Muxlislik qiladigan hind aktyor va aktrisalar haqida barcha ma’lumotlarni bilaman, deb o‘ylasangiz, yanglishasiz. Nafaqat siz, balki hamma ham ma’lumotga ega bo‘lmagan qiziqarli faktlardan xabar topgach, ajablanishingizga shubha yo‘q.
Dunyo go‘zali Ayshvariya Ray o‘z omadini kino olamida sinab ko‘rishdan avval, teleseriallarning dublyaj sinoviga borgan. Ammo ayrim sabablarga ko‘ra unga yo‘q javobi berilgan.
Pasport bo‘yicha Shahid, Kapur emas Xattor. Familiya uning o‘gay otasi Rajesh Xattorga tegishli.
Raj Kapur kinosanoatda ilk bor aktyor sifatida suratga tushishdan avval Dilip Kumarning debyut loyihasida rejissor yordamchisi sifatida ishlagan.
Esda qolarli rollar ijrochisi Ritikning haqiqiy familyasi Roshan emas, Nagrath.
Mumbayga ko‘chib kelgan Anil Kapurning oilasi, Raj Kapurning garajida yashagan.
Padmini Kolxapure karyerasini xonanda sifatida boshlagan. “Yaadon Ki Baraat” nomli qo‘shiq aytganida aktrisa 8 yosh bo‘lgan. 10 yoshida esa ilk bor kinoda suratga tushgan.
Amitabh Bachchanning bungalosi avvaliga Mansa deb atalgan. Keyin esa Jalsaga o‘zgartirilgan. Xuddi shuning singari Shohrux Xonning hozirgi Mannat nomli bungalosi avvaliga Jannat bo‘lgan.
Amitabh Bachchan Londondagi Madam Tyusso muzeyiga mum haykali qo‘yilgan ilk osiyolik aktyor sanaladi.
Salmon Xonning asl ismi — Abdul Rashid Salim Salmon Xon. Ota tomondan kelib chiqishi afg‘onlarga borib taqaladigan aktyorning ajdodlari 1800-yillar o‘rtalarida Hindistonga ko‘chib kelgan. Onasi Sushila Charak (Salma Xon) esa kelib chiqishi jihatidan marath va rajputlarga mansub.
Amrita Raoning buvasi va taniqli aktyor va rejissor Guru Datt amakivachchalarning farzandi hisoblanadi.Amritaning aktrisalik faoliyatini boshlashiga Aynan Datt ishtirokidagi filmlar turtki bo‘lgan.
Izoh (0)