O‘tgan bir hafta ichida koronavirus bilan zararlanish holatlari avvalgi haftaga taqqoslaganda 2 foizga ortdi, o‘lim holatlari esa 6 foizga kamaydi. Bu haqda “TASS” xabar berdi.
“O‘tgan bir haftada 2,7 milliondan ortiq koronavirusning yangi holatlari qayd etildi, bu undan oldingi haftaga nisbatan 2 foizga ko‘proq”, — deyiladi Jahon sog‘liqni saqlash tashkilotining (JSST) haftalik epidemiologik byulletenida.
Mutaxassislarning ma’lumotlariga ko‘ra, 1-martdan 7-martgacha dunyo bo‘yicha 2 734 381 kishi virus yuqtirgan va 60 323 o‘lim ro‘yxatga olingan.
7-mart holatiga ko‘ra, COVID-19 bilan kasallangan bemorlar soni 116 166 652 taga, qurbonlar soni esa 2 582 528 taga yetdi.
So‘nggi bir hafta ichida Afrika va Sharqiy O‘rta Yer dengizi mintaqalarida infeksiyaning 10 foizga, Yevropada 4 foizga o‘sishi qayd etildi.
AQShda koronavirus bilan kasallanganlar soni 427 mingtaga oshdi. Keyingi o‘rinlarda quyidagi mamlakatlar bormoqda:
- Braziliya (413 mingdan ortiq yangi holat);
- Fransiya (143 mingdan ortiq);
- Italiya (138 mingdan ortiq);
- Hindiston (115 mingdan ortiq);
- Polsha (87 mingdan ortiq);
- Chexiya (85 mingdan ortiq);
- Rossiya (76 mingdan ortiq);
- Turkiya (76 mingdan ortiq);
- Eron (58 mingdan ortiq).
Izoh (0)