Bugun,

  • USD 11095.31
  • RUB 173.84
  • EUR 10772.44

“Qirolichaning yurishi” serialida rol ijro etgan Anya Teylor-Joy tobora mashhurlikka erishib bormoqda. Xo‘sh, aktrisa haqida nimalar ma’lum?

Foto: “Domashniy ochag”

Foto: “Domashniy ochag”

Anya Teylor-Joyning zodagonlarga xos talaffuzi, yorqin va betakror qiyofasi bejizga emas. Onasining kelib chiqishi ispan-ingliz, otasi esa shotland-argentinalik. Shuning uchun ham uning o‘zi oq-sariq bo‘lsa-da, ko‘zlari jigarrang.

Foto: “spletnik.ru”

Foto: “spletnik.ru”

Teylor-Joy AQShning Mayami shtatida tug‘ilgan, bolaligi Argentinada o‘tgan. Ota-onasi uni yoshligida Angliyaga olib kelgan. Aktrisa uchun ispancha birinchi til bo‘lib, ingliz tilini maktabda o‘rgangan. Anyaning oilasi anchagina katta, uning besh ukasi va singlisi bor.

Foto: “Film.ru”

Foto: “Film.ru”

Anya yoshligidaniq ijodiy qobiliyatini namoyish etgan. U hikoyalar yozgan, sahnalarda rol ijro etgan hamda boshqalarning nutqini ifodali o‘qigan. Uni maktabda ko‘p masxara qilishar edi, ammo aktyorlik mahorati tufayli o‘z salohiyatini ro‘yobga chiqargan. U yerda dramatik san’at sohasidagi mukofotni qo‘lga kiritib, o‘zining ilk muvaffaqiyatiga erishgan.

Foto: “kino-teatr.ru”

Foto: “kino-teatr.ru”

Anya bolaligidan baletni yaxshi ko‘rar edi. Ammo ota-onasining tez-tez ketishi tufayli u professional raqqosa bo‘la olmadi. 16 yoshga to‘lganida maktabni tashlab, aktrisa bo‘lishga qaror qilgan. Aynan o‘sha vaqtda modellik agenti uni payqab qolgan. Anya ular bilan shartnoma imzolab, dunyoga mashhur brendlar uchun fotosessiyalarda ishtirok etishni boshlagan. Suratga tushish jarayonlaridan birida Anya aktyor Allen Lich bilan tanishgan. Shundan so‘ng u darhol kinolarda rol ijro etishni boshlagan.

Foto: “rg.ru”

Foto: “rg.ru”

U birinchi marotaba “Jodugar” filmidagi ijrosini ekrandan tomosha qilganida kino uning yo‘li emasligiga ishongan. O‘shanda o‘zini “dahshatli” tarzda ko‘rgani uchun ham o‘pkasi to‘lib yig‘lagan edi. Keyinchalik kartinaning “Sandens” Amerika filmlari festivalidagi premyerasidan so‘ng matbuotdagi ijobiy sharhlar uning fikrini o‘zgartirishga yordam berdi.

Foto: “spletnik.ru”

Foto: “spletnik.ru”

Anya Teylor-Joy rejissor M.Nayt Shyamalan tomonidan suratga olingan “Split” va “Shisha” filmlaridan so‘ng mashhurlikka erishdi. 2017-yilda Anya Kann kinofestivalida “Eng yaxshi aktrisa” uchun “Trofey Shopar” kompaniyasining mukofotini olgan va Britaniya kinoakademiyasining “O‘sayotgan yulduz” mukofotiga nomzod bo‘lgan. Aktrisa 24 yoshidayoq 20 dan ortiq filmda suratga tushishga muvaffaq bo‘lgan. Ularning aksariyati dahshatli filmlardir. Buning uchun aktrisa “dahshat malikasi” maqomiga sazovor ham bo‘lgan.

Foto: “rg.ru”

Foto: “rg.ru”

2020-yil 23-oktabrda Netflix taqdim etgan “Qirolichaning yurishi” mini-serialida Anya 1950-yillarda shaxmatga muhabbat qo‘ygan yetim qiz Bet Xarmon rolini ijro etgan. Rejissor Skott Frenk tomonidan suratga olgan kartinada qahramon erkaklar sportining dunyosiga kirib boradi hamda giyohvandlikka qarshi kurashadi.

Foto: “Film.ru”

Foto: “Film.ru”

Izoh
Asosiy yangiliklar
Dunyo
Ukraina tashqi ishlar vaziri Putinning “Zelenskiyni o‘ldirmaslik” bo‘yicha bergan va’dasiga munosabat bildirdi
Sport
A Seriya. Eldor Shomurodovning debyut o‘yinida “Spetsiya” o‘zida “Napoli”ga yirik hisobda yutqazdi
Dunyo
Marsdan ham sovuqroq: AQSHda havo harorati tarixiy rekordni yangiladi (video)