O‘zbekistonda 9-mart kuni juda iliq va quruq ob-havo bo‘lishi kutilmoqda, havo 20-22 daraja iliqqacha isiydi, deb yozmoqda “O‘zgidromet”. Faqat Qoraqalpog‘iston, Xorazm viloyatining ba’zi joylarida biroz yomg‘ir yog‘ishi mumkin, havo harorati 9-14 daraja iliq atrofida bo‘ladi.
Xabarga ko‘ra, 10-mart kuni frontal zona o‘tishida ba’zi joylarda yomg‘ir yog‘adi, momaqaldiroq bo‘lishi mumkin. Faqat Qoraqalpog‘iston va Xorazm viloyatida yog‘ingarchiliksiz ob-havo bo‘lishi kutilmoqda. Havo harorati kechasi 7-12 daraja iliq, kunduzi 10-15 daraja iliq bo‘ladi.
11-mart kuni respublika hududining ko‘p qismida yomg‘ir kuzatilmaydi, faqat Surxondaryo, Andijon, Namangan, Farg‘ona viloyatlarida ba’zi joylarda yomg‘ir yog‘adi, Toshkent viloyatida ba’zi joylarda kechasi va ertalab biroz yomg‘ir yog‘adi. Havo harorati 12-17 daraja iliq atrofida bo‘ladi.
12-mart kuni O‘zbekiston hududining ko‘p qismida quruq va iliq ob-havo bo‘lishi kutilmoqda. Havo harorati kunduz kuni 20-22 daraja iliqqacha ko‘tariladi. Faqat shimoliy hududlarda ob-havo o‘zgarishni boshlaydi. Qoraqalpog‘istonda, Xorazm viloyatida ba’zi joylarda yomg‘ir yog‘ishi, momaqaldiroq bo‘lishi mumkin. Havo harorati shimoliy hududlarda 2-7 daraja iliqqacha pasayadi.
Izoh (0)