Bugun,

  • USD 11095.31
  • RUB 173.84
  • EUR 10772.44

Ichki ishlar vazirligi “O‘zbekiston Respublikasi ichki ishlar organlari vaqtincha saqlash hibsxonalarining ichki tartib qoidalariga o‘zgartirish va qo‘shimchalar kiritish to‘g‘risida”gi idoralararo buyruqni muhokamaga qo‘ydi.

Foto: “Daryo” / Madina Nurman

Foto: “Daryo” / Madina Nurman

Unga ko‘ra, Oliy Majlisning Inson huquqlari bo‘yicha vakili (ombudsman) va O‘zbekiston Prezidenti huzuridagi tadbirkorlik subyektlarining huquqlari va qonuniy manfaatlarini himoya qilish bo‘yicha vakilning (biznes-ombudsman) nomiga yuborilgan shikoyatlar muassasa ma’muriyati tomonidan ko‘zdan kechirilishi mumkin emas. Qolaversa, oluvchiga 24 soatdan kechiktirmay yuborilishi belgilanmoqda.

Hujjat bilan ombudsman va biznes-ombudsmanning mahkumlar shikoyatiga javobi muassasa ma’muriyati tomonidan ko‘zdan kechirilishi mumkin emas va arizachiga darhol yetkazib beriladi.

Buyruq loyihasi muhokamasi 24-martga qadar davom etadi.

Avvalroq Oliy Majlis Qonunchilik palatasi deputati Rasul Kusherbayev O‘zLiDeP fraksiyasining navbatdagi yig‘ilishida ombudsmanning 2019-yilgi hisobotida 139 mahbusdan qiynoqlar yuzasidan shikoyat kelib tushgani, ammo o‘rganishlar natijasida qiynoq bilan bog‘liq birorta holat aniqlanmagani va mazkur holat ochiq qolganiga e’tibor qaratgan edi.

Oliy Majlis Inson huquqlari bo‘yicha vakili Feruza Eshmatova o‘tgan yilgi hisobot eshituvida ishtirok etmaganini ta’kidlab, unda qatnashgan mas’ul xodimlardan bu borada qanday ishlar amalga oshirilgani bo‘yicha ma’lumot berishlarini so‘ragan. Agar o‘rganishlar amalga oshirilmagan bo‘lsa, bu yil ushbu masala o‘rganib chiqilishini bildirgandi.

Izoh
Asosiy yangiliklar
Dunyo
Turkiya Finlyandiya va Shvetsiyaning NATOga kirish haqidagi arizalarni alohida-alohida ko‘rib chiqishi mumkin
Mahalliy
O‘zbekistonda dollar kursi pastladi 
Mahalliy
Shavkat Mirziyoyev Islom Karimov haykali poyiga gul qo‘ydi