Bu mashhur erkaklar nafaqat kino va sahnada iste’dodli, balki oshxonada ham mo‘jizalar yaratadi.
Snoop Dogg
Mashhur reper Snoop Dogg ovqat pishirishni yaxshi ko‘rishini va hatto retseptlar kitobini nashr ettirishini kim o‘ylabdi deysiz. Reperning “Yolg‘onchidan oshpazgacha” nomli birinchi oshpazlik kitobi 2018-yilda nashrdan chiqqan. Mazkur kitobdan Snoopning shaxsiy kolleksiyasi bo‘lgan 50 ta retsept o‘rin olgan — oddiy kundalik ovqatlardan tortib tansiq taomlargacha.
Oshpazlik mahoratini oshirishda Snoop’ga teleboshlovchi Marta Styuart katta ta’sir ko‘rsatgan. Ular 2008-yilda Marta reperni o‘z shousiga taklif qilganida tanishishgan. Oradan 8 yil o‘tib, do‘stlar o‘zlarining “Marta va Snoop’ning kechki ziyofati” teleshousini yo‘lga qo‘yishgan.
Devid Bekhem
Sobiq futbolchi oilada bosh oshpaz hisoblanadi. U hatto Italiyada oshpazlik kurslarida o‘qigan — bemalol mazali pasta tayyorlashi mumkin.
Bundan tashqari, Bekhem taniqli oshpaz Gordon Ramzi bilan qadrdon do‘st. Shu sababli do‘stlar takrorlanmas ta’mga ega taomlar retsepti bilan o‘rtoqlashib turadi.
Jastin Timberleyk
Jastin Timberleyk va uning rafiqasi Jessika Bil oshxonada birga vaqt o‘tkazishni yaxshi ko‘radi.
“Turmush o‘rtog‘im ovqat pishirishni, men esa shirinlik tayyorlashni yoqtiraman. Bizda doim ham kechki ovqat, ham shirinlik bo‘ladi”, — degan xonanda teleshoulardan birida.
Tug‘ilgan kun tortlari, Rojdestvo pechenyelari va Shukrona kuni uchun tayyorlangan meringalar — bularning barchasi Jastinning oshpazlik mahoratidan namunalar.
Stenli Tuchchi
Bir necha filmlar yulduzi Stenli Tuchchi ham ajoyib oshpaz. Aktyor bobosi va buvisining italyan taomlaridan ilhomlanib, o‘zining oshpazlik kitobini ham nashrdan chiqargan. Vaqti-vaqti bilan Stenli Instagram’da video retseptlari bilan bo‘lishib turadi.
Jessi Tayler Fergyuson
“Amerikacha oila” seriali yulduzi bosh oshpaz Juliye Tanus bilan oshpazlik blogini yo‘lga qo‘ygan. Ularning sevimli retseptlarini julieandjessecook.com saytida topish mumkin. 2021-yilning mart oyida ularning hamkorlikdagi “Do‘stlar o‘rtasidagi taomlar” kitobi sotuvga chiqadi. Bundan tashqari, Fergyuson restoranlardan biriga sarmoya ham kiritgan. Bir marta u agar aktyor bo‘lmaganida oshpaz bo‘lishini aytib o‘tgan.
Freddi Prins
“Hammasiga u aybdor” filmidagi roli bilan mashhur bo‘lgan 2000-yillar yulduzini ko‘p vaqtini oshxonada o‘tkazadi. 2016-yilda aktyor “Oshxonaga qaytib” nomli oshpazlik kitobini nashrdan chiqargan. Ma’lum bo‘lishicha, Freddi bolaligida onasi bilan tez-tez ovqat pishirgan va hatto oshpazlik maktabiga borishiga oz qolgan. Aktyor achchiq taomlarni xush ko‘radi va ko‘pincha do‘stlari uchun kechki ziyofatlar uyushtiradi.
Artyom Chigvinsev
Rossiyalik taniqli raqqos 2003-yilda AQShga ko‘chib kelgan va bir necha yil o‘tgach, “Yulduzlar bilan raqs” shousining amerikacha versiyasining doimiy ishtirokchisi va xoreografiga aylangan.
Yaqinda Artyom oshpazlik mahoratini oshirish uchun Amerika oshpazlik oliygohiga o‘qishga kirdi. Ma’lum bo‘lishicha, Artyom o‘zini o‘zi izolyatsiya qilish paytida shunday qarorga kelgan.
“Pandemiya paytida yana bir bor shunga amin bo‘ldimki, ba’zi eshiklar yopilganda, boshqalari ochilarkan. Biz ishimizni to‘xtatishga majbur bo‘ldik, lekin hayotda nima qilishni xohlayotganimizni bilib oldik, keyingi maqsadlarimiz nima ekanligini angladik”, — degan u.
Izoh (0)