Albatta, ayollar uchun sovg‘aga gul yoki shirinlik berish shart emas. Mehr bilan chin yurakdan tayyorlangan har qanday taom ham uy bekajonlari uchun syurpriz bo‘lishi shubhasiz.
Kerakli mahsulotlar:
Xamir uchun:
- un − 200 gramm;
- xamirturush − 4 gramm;
- tuz − 1/2 choy qoshiq;
- shakar − 1/2 osh qoshiq;
- suv − 100 ml;
- zaytun yog‘i − 20 ml.
- tomat pastasi − 50 gramm;
- suv − 20-30 ml;
- oregano − 1 choy qoshiq;
- zaytun yog‘i − 2 choy qoshiq;
- kolbasa − 10-150 gramm;
- cherri pomidori − 3-5 dona;
- motsarella pishlog‘i − 150 gramm;
- ko‘kat, tuz va ziravorlar.
- Elakdan o‘tkazilgan un xamirturush bilan aralashtiriladi.
- Tuz, shakar, suv va zaytun yog‘i idishga solinib, un bilan aralashtiriladi.
- Yumshoq xamir qorilib, 30-35 daqiqaga tindiriladi.
- Sous uchun tomat pastasi, zaytun yog‘i, suv, tuz va ziravorlar aralashtiriladi.
- Xamir ikkiga bo‘linib, yupqa qilib yoyiladi. Biri kattaroq, ikkinchisi esa kichikroq bo‘lsa, sakkiz raqamini hosil qilish oson kechadi.
- Kolbasa yurakcha shaklida kesiladi.
- Tayyorlangan sous xamir yuzasiga surtib chiqiladi. So‘ngra cherri pomidori va kolbasalar joylashtiriladi. Ustidan qirg‘ichdan o‘tkazilgan pishloq sepiladi.
- 220 daraja pechda, taxminan 15 daqiqa davomida pishiriladi. Dasturxonga tortishdan avval ko‘katlar bilan bezatiladi.
Izoh (0)