O‘zbekiston sug‘urta bozorida 18 yildan buyon faoliyat yuritib kelayotgan Alfa Invest sug‘urta kompaniyasi o‘tgan davr ichida soha rivojiga katta hissa qo‘sha oldi, deb bemalol aytish mumkin. Kompaniya joriy yilda ham o‘z mijozlariga qulay va sifatli xizmat ko‘rsatishda davom etmoqda. Ayniqsa, pandemiya sharoitida bu yanada yaqqol ko‘zga tashlanib, 2020-yil yakunlariga ko‘ra, sug‘urta kompaniyasi faoliyatida bir muncha o‘sish ham kuzatildi.
Xususan, bu davrda davlat rahbarining “O‘zbekiston Respublikasining sug‘urta bozorini isloh qilish va uning jadal rivojlanishini ta’minlash chora-tadbirlari to‘g‘risida”gi qarori talablariga muvofiq ravishda Alfa Invest’ning moliyaviy ko‘rsatkichlari, kompaniya zaxiralari va aktivlari sezilarli darajada o‘sdi. Bu o‘z navbatida, kompaniyaning ustav kapitalini 50,1 milliard so‘mdan ziyodga oshirish imkonini berdi.
Ortda qolgan 2020-yilda mamlakat aholisi qiyin davrni boshdan kechirdi. Pandemiya ortidan o‘rnatilgan karantin cheklovlari, Buxoro, Navoiy, Sirdaryoda ro‘y bergan tabiiy ofatlar ortidan katta moddiy zarar ko‘rildi. Shunga qaramay, Alfa Invest o‘z mijozlariga yetkazilgan zararni qoplab berishning uddasidan chiqa oldi.
Bundan tashqari, kompaniya transport vositalari egalarining fuqarolik javobgarligini majburiy sug‘urta qilish, to‘lovlarni qoplab berish bo‘yicha O‘zbekistondagi sug‘urta kompaniyalari orasida yetakchi o‘rinni egalladi. Respublika miqyosida amalga oshirilgan to‘lovlarning umumiy qiymati 16 milliard so‘mdan oshganining o‘zi buni yaqqol ko‘rsatib turibdi.
Kompaniyaning kelgusidagi moliyaviy va strategik maqsadlari katta. Bu yo‘lda aniq reja va dasturlar ishlab chiqilgan. Alfa Invest’da joriy yildagi dastlabki o‘zgarishlardan biri bu – kompaniya logotipining o‘zgarishi bo‘ldi.
“Kelajakda amalga oshirmoqchi bo‘lgan rejalarimiz katta. Yangi ramz bilan yangi marralarni zabt etishni niyat qilganmiz. Kompaniya qiyofasini yangilash esa Alfa Invest hayotidagi muhim bosqichdir. Biz bu bilan mijozlarga yanada yaqinroq bo‘lish, odamlarga sodda va tushunarli ma’lumot berish orqali ularning sug‘urta borasidagi bilimini oshirish, ularda ushbu xizmat turiga nisbatan ishonch va xayrixohlik uyg‘otishni istaymiz”, – deydi kompaniya bosh direktori Inessa Yurevna Axmetova.
Alfa Invest vakillari buning uchun sug‘urta kompaniyasi va mijoz o‘rtasidagi o‘zaro munosabatlarni maksimal darajada soddalashtirish, onlayn sug‘urta mahsulotlari va xizmatlarini joriy etish orqali fuqarolarning sug‘urta polisini rasmiylashtirish va sug‘urta to‘lovlarini undirish jarayonini tezkor amalga oshirishga intilmoqda.
Endilikda Alfa Invest sug‘urta kompaniyasi yangi tovar belgilaridan foydalanishni yo‘lga qo‘yishni boshladi. O‘z navbatida, yangicha uslubni joriy qilish va kompaniya bo‘linmalari, agentlar tarmog‘ini va barcha mahsulotlarni yangilash bosqichma-bosqich amalga oshirib boriladi. 2021-yil davomida bu jarayon barcha faoliyat turlarini qamrab oladi.
“Kompaniya tashqi qiyofasi, imijidagi o‘zgarishlar undagi ichki strategik yangilanishlar bilan bir qatorda Alfa Invest’da onlayn sug‘urtalashning yangi davri rivojlanishiga turtki beradi va bizning bozordagi mavqeimizni yanada mustahkamlaydi, degan umiddamiz”, – deya qo‘shimcha qildi kompaniya bosh direktori Inessa Yurevna Axmetova.
Reklama huquqi asosida.
Izoh (0)