2020-yilning “eng yomon” parollari ro‘yxati e’lon qilindi

Axborot xavfsizligiga ixtisoslashgan Data Leakage & Breach Intelligence tahliliy kompaniyasi 2020-yilda internetda tarqalgan keng ko‘lamli parollarni o‘rganib chiqdi. Mutaxassislar 30 million akkaundan iborat baza asosida eng ommalashgan parollar ro‘yxatini taqdim etdi, deb xabar beradi Hi-Tech.Mail.ru.

2020-yilda tarqalib ketgan raqamlardan iborat eng ommabop parollar top 10 taligi:

• 123456;
• 123456789;
• 111111;
• Password;
• 12345678;
• 123123;
• 12345;
• 1234567;
• 000000;
• 1234567890;

Harflardan iborat eng keng tarqalgan parollarning ham alohida ro‘yxati mavjud:

• qwerty;
• password;
• qwertyuiop;
• iloveyou;
• asdasd;
• zxcvbnm;
• qazwsx;
• dragon;
• asdfghjkl;
• monkey;

Ushbu parollarni eng yomon deb atash mumkin — xakerlar yoki jinoyatchilar ularni ikki daqiqada buzib kira oladi. Buning uchun maxsus malaka ham talab etilmaydi. Bu kabi ro‘yxat yillar davomida o‘zgarmaydi, odamlar eng oddiy parollardan foydalanishni davom etmoqda.

Data Leakage & Breach Intelligence’ning ta’kidlashicha, 2020-yilda parol o‘rnatishda biroz yangilik paydo bo‘lgan. Odamlar ommaviy ravishda “covid”, “korona” va “epidemic” so‘zlaridan foydalanishni boshlagan.

Qanday qilib yaxshi parol o‘ylab topish mumkin?

Yaxshi parol qoidasi yillar davomida o‘zgarib turadi. Hozirda ekspertlar 6 xonali kombinatsiyadan foydalanishni tavsiya etmaydi, maksimal xavfsizlik uchun harf va raqamlardan, shuningdek, qo‘shimcha belgilardan iborat 8 xonali paroldan foydalangan yaxshi. Parollar generatoridan foydalanish ham qulay.

Axborot xavfsizligining yana bir asosiy muammosi — bir xil parollar. Foydalanuvchilar ko‘plab parollarni yodda saqlab qola olmagani sabab turli servislarga ham bir xil parollarni ishlatadi. Bu xakerlar bitta servisdan parolni aniqlasa, qolganlariga ham kira olishidan dalolat beradi.