Rossiya tarkibiga kiruvchi Checheniston Respublikasi poytaxti Grozniy meri vazifasini bajaruvchi etib Xas-Magomed Qodirov tayinlandi, deb yozadi Meduza. Avvalroq uni shahar meri lavozimiga Checheniston rahbari Ramzan Qodirov taklif qilgan edi.
BBC Russia ma’lumotlariga ko‘ra, Xas-Magomed Qodirov Ramzan Qodirovning jiyani hisoblanadi, “Kavkaz.Realii” nashri esa uni Checheniston rahbarining ukasi (chetveroyurodniy brat) deb atagan. Ularning qarindoshligi rasman tasdiqlanmagan. Shu bilan birga, Ramzan Qodirov Xas-Magomed Qodirovni ko‘p marotaba “ukam” deb atagan.
Xabarlarga ko‘ra, Xas-Magomed Qodirov 30 yoshda. Bungacha u Checheniston rahbari yordamchisi bo‘lib ishlagan, IIVning Grozniy boshqarmasida ishlagan, Argun shahar meri lavozimini egallagan. 2020-yilda Checheniston rahbari va hukumati ma’muriyati rahbari etib tayinlangan.
2018-yilda BBC Russia Chechenistondagi 158 nafar yirik mansabdorning 30 foizi — Qodirovning qarindoshlari, 23 foizi — hamqishloqlari va yana 12 foizi — do‘stlari va ularning qarindoshlari ekanligini hisoblab chiqqan edi.
2020-yilda Qodirov rahbarlik lavozimlariga nomzodlarni tanlab olishda ularning otasiga nisbatan qarindoshlik darajasi ham hisobga olinishini tan olgan edi. Shu bilan birga, Checheniston rahbari respublikaning hukumat tuzilmalarida qarindoshlari kamligini aytgan.
2020-yilning sentabrida Qodirov o‘zining 21 yoshli qizi Ayshatni respublika madaniyat vazirining birinchi o‘rinbosari etib tayinlagandi. Dekabrda esa uning 20 yoshli qizi Xadijat Qodirova Grozniyda maktabgacha ta’lim boshqarmasi boshlig‘i bo‘ldi.
Shuningdek, Checheniston shahar va qishloqlarida jami 346 ta ko‘chaga respublika rahbari Ramzan Qodirovning nomi berilgani ma’lum bo‘lgan edi.
Mavzuga doir:
- Turkiyalik oshpaz-mem Burak O‘zdemir Checheniston rahbari Ramzan Qodirovning ustiga qaynoq ovqatni quyib yuborishiga bir baxya qoldi (video)
- Chechenistonda ham niqob taqmay yurishga ruxsat berildi va respublika hududiga kirish ochib qo‘yildi
- Turk aktyori Burak O‘zchivit Checheniston rahbari Ramzan Qodirovning mehmoni bo‘ldi (video)
- Ramzan Qodirovning Chechenistonda rahbarlik lavozimlarida ishlaydigan va deklaratsiya to‘ldirmagan qarindoshlari Moskvadagi koshonalarga egalik qiladi
- Chechenistonda Ramzan Qodirovning “qat’iy qarshiligi”ga qaramay, Ramzan Qodirov nomli masjid quriladigan bo‘ldi
- Chechenistonda Qodirov va uning qarindoshlari sharafiga nomlangan 346 ta ko‘cha borligi aniqlandi