Rasmiy Toshkent va Dushanbe qo‘shni hududda yaqin qarindoshlari vafot etgan yoki og‘ir kasal bo‘lib qolgan ikki respublika fuqarolarining chegaralar orqali erkin harakat qilishiga ruxsat berish borasida kelishib oldi, deb xabar bermoqda Tojikiston hukumatidagi manbasiga asoslanib Asia-Plus.
Ushbu toifadagi fuqarolar chet el pasportiga va qarindoshining kasalligi yoki o‘limi to‘g‘risida rasmiy organlar tomonidan tasdiqlangan telegrammaga ega bo‘lishi kerak.
Davlat chegarasini kesib o‘tishda fuqarolar koronavirus tahlili uchun pullik ekspress testdan o‘tishlari kerak, test narxi milliy valyutalarda, taxminan, 14 AQSh dollarini tashkil etadi.
Bungacha faqat uch toifadagi fuqarolar Tojikiston va O‘zbekiston o‘rtasidagi quruqlik chegarasidan o‘tishiga qisman ruxsat etilgandi:
- Tojikiston yoki O‘zbekistondagi oliy o‘quv yurtlari talabalari: chegarani kesib o‘tishda pasport bilan birga talabalik guvohnomasini va koronavirus infeksiyasi yo‘qligi haqidagi tahlilni, chegarani kesib o‘tishdan 72 soatdan ko‘p bo‘lmagan vaqt ichida taqdim etishi shart.
- Qo‘shni tomonda xotini, eri yoki bolalari bo‘lgan Tojikiston yoki O‘zbekiston fuqarolari. Ular chegarachilarga pasport bilan birga nikoh to‘g‘risidagi va bolalarning tug‘ilganligi haqidagi guvohnomani, shuningdek, koronavirus tahlili uchun topshirilgan test natijalarini taqdim etishi kerak.
- Koronavirus infeksiyasiga qarshi kurashish uchun Tojikiston yoki O‘zbekiston respublika shtab-kvartirasi tomonidan berilgan tegishli yozma ruxsatga ega bo‘lgan ikki mamlakat fuqarolari.
Izoh (0)