Opera teatrida Gollivud aktrisasi Nikol Kidmanning yuziga urishdi. Voqea yuzasidan tergov boshlandi

Musiqachi Kit Urban Sidneyning opera teatrida rafiqasi Nikol Kidman bilan bog‘liq voqea haqida so‘zlab berdi. Bu haqda People Talk xabar berdi.

Urban The Kyle Jackie O Show’ga bergan intervyusida 2021-yilning yanvar oyida Sidney opera teatridagi spektaklni tomosha qilish jarayonida hamma qatori ular ham qarsak chalgani va hammasi shundan keyin boshlanganini ma’lum qilgan.

“Ortga qarab bir nechta odam o‘rnidan turganini ko‘rgach men ham turishim kerak, deb o‘yladim. Keyin mening ortimdagi erkak spektakl dasturi tushirilgan qog‘oz bilan Nikni urdi”, — deb eslaydi Kit.

Qayd qilinishicha, erkakka Kidmanning o‘rnidan turgani yoqmagan. “Men o‘zimni bosishga urindim va qattiq xafa bo‘ldim”, — degan Urban va ushbu xatti-harakatga javoban bu shunchaki turib chalingan qarsakligi va bu ruxsat berilmagani haqida bilmaganini aytgan.

Mojaro ishtirokchilari politsiyaga murojaat qilgan, ayni vaqtda ushbu holat qonun himoyachilari tomonidan ko‘rib chiqilmoqda. Suhbat davomida Kit turmush o‘rtog‘i Nikol bilan birga hamisha axloq tamoyillariga amal qilishini aytib o‘tgan.