Ijtimoiy tarmoqlarda Beeple niki ostida tanilgan raqamli rassom Mayk Vinkelmann tomonidan yaratilgan 10 soniyali videorolik 6,6 million dollarga sotildi, deb xabar beradi Hi-Tech.Mail.ru.
Rolikda yerga yiqilgan ulkan Donald Tramp tasvirlangan. U turli yozuvlar bilan qoplangan bo‘lib, uning yonidan odamlar o‘tib ketmoqda (videoni auksion sayti orqali tomosha qilish mumkin).
2020-yilning oktabrida mayamilik san’at asarlari kolleksioneri Pablo Rodriges-Frayle videorolikni salkam 67 ming dollarga sotib olgandi. Yaqinda ma’lum bo‘lishicha, kolleksioner uni 6,6 million dollarga sotgan.
Xariddan oldin rassom Mayk Vinkelmanning rolikdagi o‘ziga xos raqamli imzosi blokcheyn yordamida originallikka tekshirilgan. Gap, aftidan, NFT (Non-fungible token) nomi bilan ataluvchi yangi raqamli aktiv turi haqida ketmoqda.
NFT pandemiya vaqtida keskin ommalashib ketdi, chunki investorlar va kolleksionerlar orasida faqat raqamli makonda mavjud san’at asarlariga bo‘lgan talab oshdi. NFT juda yosh texnologiya bo‘lishiga qaramay, mazkur bozorning hajmi sezilarli darajada katta va istiqbollari ham ulkan.
Izoh (0)