Futbol bo‘yicha Italiya A Seriyasining 24-turida “Jenoa” 28-fevral, yakshanba kuni “Inter” mehmoni bo‘ldi.
Uchrashuvda milanliklar Eldor Shomurodov jamoasiga imkoniyat qoldirmadi. Uchrashuvning dastlabki daqiqasida mezbonlar hujumchisi Romelu Lukaku hisobni ochdi. Shundan so‘ng 1-bo‘limda hisob o‘zgarmadi.
69-daqiqada Lukakuning uzatmasidan so‘ng Matteo Darmian “Inter”ning ikkinchi golini urdi. 77-daqiqada Aleksis Sanches mehmonlar darvozasiga to‘p kiritib, hisobni 3:0 ko‘rinishiga keltirdi.
Eldor Shomurodov ushbu uchrashuvning 62-daqiqasida maydonga tushdi.
Mazkur g‘alabadan so‘ng Antonio Konte shogirdlari peshqadamlikni mustahkamladi. Jamoa hisobida 56 ochko mavjud. O‘zbekistonlik futbolchi to‘p suradigan “Jenoa” esa 24 turda 26 ochko jamg‘argan holda musobaqa jadvalining 13-pog‘onasida qayd etilgan.
A Seriya
24-tur bahslari
28-fevral, yakshanba
“Inter M”—“Jenoa” 3:0
Gollar: 1:0 – 1 Lukaku, 2:0 – 69 Darmian, 3:0 – 77 Sanches.
“Inter”: Handanovich, de Vrey, Shkrinyar, Bastoni, Darmian (D’Ambrozio, 84), Brozovich (Galyardini, 76), Perishich (Yang, 84), Eriksen, Barella (Vidal, 85), Martines (Sanches, 76), Lukaku.
“Jenoa”: Perin, Chiborra, Goldaniga, Sapata, Gilyone (Shomurodov, 62), Melegoni (Portanova, 71), Radovanovich (Ongene, 46), Strotman (Behrami, 46), Rovella, Pyatsa, Skamakka (Pandev, 62).
Ogohlantirishlar: Sapata (18), Strotman (40).
“Udineze”—“Fiorentina” 1:0
Gol: 1:0 – 86 Nestrovski
Izoh (0)