Eritilgan pishloq qo‘shiladigan mazali sho‘rva retsepti

Pishloqning nozik mazasi sho‘rvaga o‘zgacha ta’m beradi.

Kerakli mahsulotlar:

• piyoz — 4-6 dona;
• sariyog‘ — 100 gramm;
• un — 1 osh qoshiq;
• tovuq yoki sabzavotli bulyon — 1 litr;
• eritilgan pishloq — 200 gramm;
• quritilgan non bo‘laklari;
• tuz;
• murch;
• ko‘katlar.

1. Piyozni ikki yoki to‘rt bo‘lakka bo‘lib, parrak qilib to‘g‘rab oling.
2. Qozonga sariyog‘ni solib, piyozni qovuring va 25 daqiqaga dimlang.
3. Qovurilgan piyozga un solib, aralashtiring, yana 2 daqiqaga dimlang.
4. Qozonga bulyonni quying, unga pishloqni solib, 15 daqiqa qaynating.
5. Pishishiga 5 daqiqa qolganda tuz, murch soling.
6. Dasturxonga ko‘kat va quritilgan non bo‘laklari bilan birga torting.