Yengil vazn toifasida UFC chempioni Habib Nurmagomedov o‘z faoliyati haqida hujjatli film yaratilayotgani haqida gapirdi.

Foto: Getty Images

Hozirda hujjatli film ustida ishlayapman. Yana 1,5 yilcha kerak. Biz “Oskar” mukofotini yutib olmoqchimiz. Shunchaki 20 daqiqa suratga olib, keyin tashlab qo‘ymaymiz. Gollivud bilan hamkorlikda ishlayapmiz.

Menimcha film birdaniga kinoteatrlarga chiqadi. Nimaga deganda, bu qiziqarli hikoya: tog‘lik oddiy yigit dunyoning eng yaxshi yakkakurashchisiga aylandi va faoliyati davomida umuman yutqazmadi.

Habib Nurmagomedov, UFC jangchisi

Eslatib o‘tamiz, 2020-yilning 24-oktabr kuni bo‘lib o‘tgan UFC 254 asosiy jangida Habib Nurmagomedov va Jastin Getji o‘zaro to‘qnash keldi. Unda rossiyalik sportchi ikkinchi raundda raqibiga bo‘g‘ish usulini qo‘llab g‘alaba qozondi. Jangdan keyin Habib faoliyatini yakunlashini ma’lum qilgandi.