Janubiy Koreyaning Guru IoT kompaniyasi uy egasi bo‘lmagan vaqtda uy hayvonlariga sherik bo‘lib o‘tiradigan Peddy robotini taqdim etdi, deb xabar beradi IXBT.
Robot uy hayvonini ovqatlantirishi, uning zerikishiga yo‘l qo‘ymasligi va o‘z xo‘jayini bilan videoaloqani ta’minlashi mumkin. Haroratni, namlik va shovqinni o‘lchashga mo‘ljallangan datchiklar robotning vaziyatni kutilmaganda o‘zgarishiga tayyor bo‘lishini ta’minlab, sodir bo‘layotgan voqealar tasvirini o‘z egasining smartfoniga yuborib turadi.
“Peddy yordamida uy egalari o‘z jonzotlari bilan uydan uzoqda bo‘lganida ham videoaloqa orqali muloqot qilishi mumkin. Robot hissiy ta’sir o‘tkazish funksiyasi bilan jihozlangani sabab u koronavirus oqibatida sayrlarning kamayib ketganida depressiyaga tushgan uy hayvonlariga yordam bera oladi”, — deydi Guru IoT vakili.
Robotning o‘lchami 302x364x260 millimetrni, og‘irligi 3,8 kilogrammni tashkil etadi. U GPS qurilma, turli datchiklar, Bluetooth 4.0 interfeysi va 4G LTE funksiyali mobil aloqa modemi bilan jihozlangan. Robot sig‘imi 10 ming mA/soatga teng akkumulyator yordamida quvvatalanadi va soniyasiga 10 santimetr tezlikda harakatlanadi. Uning narxi 315 dollar atrofida.
Avvalroq Germaniyada xuddi insonlar kabi quchoqlashga qodir robot yaratilgani to‘g‘risida xabar berilgandi.
Izoh (0)