So‘nggi bir necha yil ichida Xitoy va AQSh munosabatlari Amerikaning avvalgi ma’muriyati olib borgan siyosat tufayli jiddiy ravishda yomonlashdi. Bu haqda Xitoy Xalq Respublikasi tashqi ishlar vaziri Van I Pekinda “Lantin” forumi ochilishida aytib o‘tdi, deb yozadi “RBK”.
Vazirning so‘zlariga ko‘ra, Amerika—Xitoy aloqalari so‘nggi bir necha yil davomida “diplomatik munosabatlar o‘rnatilganidan buyon eng murakkab vaziyat” bilan to‘qnash kelgan.
“Buning asosiy sababi shundan iboratki, o‘z siyosiy ehtiyojlaridan kelib chiqib, AQSh sobiq ma’muriyati Xitoy siyosatini va rivojlanish tendensiyalarini noto‘g‘ri baholadi va noto‘g‘ri talqin qildi”, — dedi Van I.
Uning qo‘shimcha qilishicha, shunga asoslanib, Vashington Xitoyga bosim o‘tkazishni va uni tiyib turishga urinishni boshlagan. Bu o‘z navbatida, ikki mamlakat aloqalariga jiddiy zarar yetkazgan.
AQSh prezidenti Donald Tramp ma’muriyati boshqaruvining ilk yillarida Xitoy va Amerika munosabatlaridagi bosh muammo “savdo urushi” bo‘lgan. Vashingtondagilar xitoylik ishlab chiqaruvchilar Amerika bozorining ochiqligidan foydalanib, AQShga mahsulotlar olib kirib, mahalliy ishlab chiqaruvchilarning pozitsiyalariga zarar yetkazayotganini ma’lum qildi. Shu bilan birga, AQShda Xitoyni yuan kursini pasaytirgan holda adolatsiz raqobatni ushlab turganlikda aybladi. Natijada 2018-yildan Vashington Xitoy mahsulotlariga bir qator bojlarni kiritdi, Xitoy ham xuddi shunday javob qaytardi.
Ayni vaqtda AQSh Tramp hukmronligi davrida Xitoyni texnologiyalarni o‘g‘irlashda faol ayblay boshladi. Xususan, Xitoyning Huawei kompaniyasi shunday ayblovlarga duch keldi, 2019-yil mayidan buyon u milliy xavfsizlikka tahdid sifatida Amerika sanksiyaviy qora ro‘yxatiga kiritilgan.
Bundan tashqari, Tramp Xitoyning COVID-19 koronavirus infeksiyasi paydo bo‘lishi va tarqalishi uchun javobgar ekanini ko‘p bora ta’kidlagan. Xususan, u BMTga murojaat qilib, koronavirus kelib chiqqani uchun Pekinni jazolashni talab qilgan.
Donald Tramp Xitoyni koronavirus tarqatishda ko‘p bora ayblagan. Chunonchi, u Twitter’dagi videomurojaatida Xitoyga koronavirus tarqatganligi qimmatga tushishini aytgandi. Xitoy esa koronavirusga qarshi AQShning barcha ayblovlarini rad etib, ularni asossiz deb atagan edi.
Mavzuga doir:
- AQSh Xitoy bilan savdo urushi oqibatida ko‘radigan zararini hisoblab chiqdi
- Si Szinpin AQSh va Xitoy o‘rtasidagi ziddiyatni butun dunyo uchun halokat deb atadi
- AQSh Xitoyni amerikaliklarning tibbiy ma’lumotlarini o‘g‘irlaganlikda aybladi
- Si Szinpin yangi sovuq urush boshlanishi mumkinligi haqida ogohlantirdi
- Tramp COVID-19 tufayli Xitoyga “ko‘p narsa” qilishga va’da berdi
Izoh (0)