Bugun,

  • USD 11014.01
  • RUB 191.8
  • EUR 10674.78

AQShda 498,8 ming kishi koronavirus qurboniga aylandi, deb yozadi “RBK” Jons Hopkins universiteti ma’lumotlariga tayanib. Bu mamlakatning Birinchi va Ikkinchi jahon urushlari va Vyetnamdagi urushda ko‘rgan harbiy talafotlardan ham ko‘proqdir.

Foto: AP Photo

Foto: AP Photo

AQSh Faxriylar masalalari bo‘yicha vazirligi ma’lumotlariga ko‘ra, Birinchi jahon urushi yillarida 53,4 ming, Ikkinchi jahon urushida 291,5 ming, Vyetnamdagi urushda esa 47,4 ming amerikalik harbiy halok bo‘lgan.

Koronavirusdan eng ko‘p o‘lim qayd etilgan mamlakatlar uchligiga Braziliya (246,5 ming kishi) va Meksika (179,7 ming kishi) ham kirdi. Rossiyada esa, tezkor shtab ma’lumotlariga ko‘ra, 83,2 ming kishining o‘limida koronavirus asosiy sabab bo‘lib xizmat qilgan.

AQSh koronavirusni yuqtirib olganlar va uning oqibatida vafot etganlar soni bo‘yicha yetakchi bo‘lib qolmoqda. Pandemiya boshidan buyon u yerda 28,1 million kishi COVID-19’ga chalingan. Bir kecha-kunduzdagi maksimal o‘sish 2-yanvar kuni qayd etilgan — o‘sha kuni qariyb 300 ming kishi kasallangan. 19-fevralga kelib, ko‘rsatkich 106,3 ming kishigacha tushgan.

1-fevraldan AQShda jamoat transportida, aeroportlarda va vokzallarda majburiy niqob rejimi amal qilmoqda. Dekabr o‘rtalaridan koronavirusga qarshi ommaviy emlash boshlangan.

Izoh
Asosiy yangiliklar
Dunyo
BMTda Shinjondagi uyg‘urlarga nisbatan jinoyatlarni tekshirishga 19 ta davlat qarshi chiqdi, ular orasida O‘zbekiston va Qozog‘iston ham bor
Mahalliy
O‘zbekistonning ayrim hududlarida 8-oktabr kuni kechasi harorat 3 darajagacha tushadi
Dunyo
Zaporojyega uyushtirilgan raketa hujumi oqibatida 11 kishi halok bo‘ldi (foto)