Bugun,

  • USD 11095.31
  • RUB 173.84
  • EUR 10772.44

Rossiya va Birlashgan Arab Amirliklari tovushdan tez uchadigan yo‘lovchi biznes jetini ishlab chiqish va yaratish bilan shug‘ullanuvchi qo‘shma korxona tuzadi. Bu haqda Rossiya savdo-sanoat vaziri Denis Manturov ma’lum qildi, deb yozadi “RBK”.

Foto: “RIA Novosti”

Foto: “RIA Novosti”

Rossiya tomonidan loyihada Birlashgan aviasozlik korporatsiyasi yoki uning sho‘ba korxonalaridan biri, BAA tomonidan esa Mubadala fondi qatnashadi.

Vazirning aniqlik kiritishicha, hozircha qo‘shma korxonada kimning ulushi qancha bo‘lishi masalasi aniqlashtirilmagan.

Biznes-samolyot ikki xil — sig‘imi sakkiz kishigacha va 30 kishigacha bo‘lgan versiyada yaratiladi. Shu yil oxirigacha samolyotning tashqi ko‘rinishi ishlab chiqilishi mumkin. “Asosiy parametrlar esa menimcha, 80 foizga aniqlashtirilgan: bu 1,5—1,8 Max’ga teng tezlik. 1,8 Max tezlikda kamida to‘rt soat uchish mumkin”, — dedi Manturov.

Tovushdan tez uchadigan biznes-jetni yaratish bo‘yicha tadqiqot ishlari Rossiyada 2017-yildan buyon davom etmoqda. 2019-yilda Manturov bu ishlar 1,4 milliard rublga tushganini aytgan edi.

Izoh
Asosiy yangiliklar
Mahalliy
Farg‘onada italiyalik ayol YTH oqibatida vafot etdi
Mahalliy
Jahon banki prognozi: O‘zbekiston keyingi ikki yilda Yevropa va Markaziy Osiyo mintaqasidagi eng yaxshi iqtisodiy o‘sishga ega bo‘ladi
Shou-biznes
Qirol Abdulla II va qirolicha Raniya baxtining aks tomoni: Iordaniya qirollik oilasining sirlari va fojialari