La Liga. “Barselona” so‘nggi daqiqalarda gol o‘tkazib, g‘alabani boy berdi
Futbol bo‘yicha Ispaniya La Ligasining 24-turi doirasida “Barselona” o‘z maydonida 21-fevral, shanba kuni “Kadis”ni qabul qildi.
Uchrashuvdagi ikkala gol ham penaltidan urildi. 32-daqiqada “Barselona” yarim himoyachisi Pedri ishlab olgan penaltini Lionel Messi mohirlik bilan ijro etdi. O‘yin yakunlanishi arafasida mezbonlar darvozasi tomon 11 metrlik jarima zarbasi belgilandi va undan Aleks Fernandes unumli foydalanib, jamoasini mag‘lubiyatdan qutqarib qoldi.
Shu tariqa “ko‘k-anorranglilar” 47 ochko bilan 3-o‘rinda bormoqda. Jamoa 2-o‘rindagi “Real”dan 5 ochkoga ortda qolmoqda. Ronald Kuman shogirlari zaxirasida bitta o‘yin mavjud. “Barselona”dan safarda ochko tortib olishga muvaffaq bo‘lgan “Kadis” esa 25 ochko bilan 14-o‘rinda qayd etilgan.
La Liga
24-tur bahsi
21-fevral, yakshanba
“Barselona”—“Kadis” 1:1
Gollar: 1:0 – 32, penalti Messi, 1:1 – 89, penalti Aleks Fernandes.
“Barselona”: ter Shtegen, Langle, Dest (Mingesa, 80), Alba, Pike, Buskets (Pyanich, 65), de Yong, Pedri (Trinkau, 74), Dembele (Puch, 80), Messi, Grizmann (Breytueyt, 65).
“Kadis”: Ledesma, Karselen, Markos Mauro, Espino, Fali Himenes, Salvi Sanches (Alexo, 62), Garrido (Xose Mari, 58), Iskerdo (Aleks Fernandes, 59), Perea (Yonsson, 76), Negredo (Losano, 59), Sobrino.
Ogohlantirishlar: Alexo (82), Xose Mari (85).
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
