Kamera qarshisida o‘zini noqulay his qilish, hozirgidan sezilarli farq qiladigan makiyaj — qizil yo‘lakda muxbir va suratchilarga birinchi marta ko‘rinish berish yulduzlar uchun oson bo‘lmagan.
Anjelina Joli
Ilk qizil yo‘lak uchun Anjelina Joli oppoq libos kiygan. Yoqalari keng ko‘ylak bilan oq marjon taqishni tanlagan. Jolining yosh ekaniga qaramay, o‘ziga bo‘lgan ishonchi yuqori ekanidan u yulduz bo‘lish uchun tug‘ilgan, degan xulosaga kelish mumkin.
Natali Portman
Bachkana liboslarni yoqtirmaydigan aktrisa esa sipo kiyinishni afzal bilgan. Tizzadan tushib turadigan kulrang yubka, jinsi pidjak hamda yuzidagi tabassum bilan oddiy, ammo maftunkor obrazga ega bo‘lgan.
Skarlett Yoxansson
Bugungi kunda bashang liboslarda ko‘rinish beradigan aktrisa karyerasining ilk yillarida tamoman boshqacha uslubda kiyingan. Qora, keng shim, yozuvli kofta va charm kurtka kiygan bo‘lsa ham o‘ziga xos jozibali ko‘ringan.
Riz Uizerspun
Ushbu suratga nazar tashlab Rizning ko‘rinishi unchalik o‘zgarmagani, kiyinish obrazi esa aksincha avvalgidan farq qilishini bilish mumkin.
Sharliz Teron
Sharliz avvallari ham hozirgidek o‘ziga xos uslubda kiyinishi bilan boshqalardan ajralib turgan. Bugungi kunda garderobida ortiqcha bezaklarsiz oqshom liboslari bisyor bo‘lgan Teron bundan 20 yil avval kalta qora libos kiyishni ma’qul bilgan.
Kristen Styuart
Kristen yoshligida ham bachkana va e’tibor tortadigan liboslarni unchalik yoqtirmagan. Aktrisa o‘zining debyuti uchun qora keng ko‘ylak, plash va krossovka kiyishni tanlagan.
Jennifer Lourens
Aktrisa karyerasining boshida e’tibor jalb qiladigan liboslarni kiygan. U muhim marosimlardan biriga oq, yenglari va etaklari noodatiy ko‘ylak kiyib, qora kamar taqqan. Oyog‘iga baletka kiygani esa obrazini omadsiz chiqishiga sababchi bo‘lgan.
Emma Stoun
Bugungi kunda kameralarga hech ikkilanmay ishonch bilan boqa oladigan aktrisa bundan bir necha yil uyatchang bo‘lganini ko‘rish mumkin.
Enn Xeteuey
Ennining birinchi qizil yo‘lakdagi obrazini esa boshqalarga namuna qilib ko‘rsatsa bo‘ladi. Aktrisa libosni did bilan tanlashidan tashqari, kamera qarshisida o‘zini yo‘qotib qo‘ymasligi bilan ham boshqalardan ajralib turgan.
Margo Robbi
Karyerasining boshida ochiq-sochiq va tor liboslar kiyishni afzal bilgan aktrisa keyinchalik garderobidagi liboslarni, shuningdek, kiyinish uslubini ham o‘zgartirishga qaror qilgan. Bugungi kunda u bichimi kengroq, ranglari e’tibor tortmaydigan matodan tikilgan kiyimlarni kiyishni xush ko‘radi.
Izoh (0)