Prezident Shavkat Mirziyoyev raisligida 19-fevral kuni o‘tkazilayotgan Xalq deputatlari Namangan viloyati kengashining navbatdan tashqari sessiyasida tuman va shaharlarning iqtisodiy ko‘rsatkichlari hamda kambag‘allikka qarshi kurashdagi faoliyati tanqidiy-tahliliy ko‘rib chiqilmoqda, deya xabar berdi “Daryo” muxbiri.
Yig‘ilishda Shavkat Mirziyoyev Uychi tumani rahbaryatining faoliyatidan qoniqmasligini ta’kidlab, keskin tanqid qildi. Tumandagi 4 ta sektor rahbari yo‘l qo‘yilgan kamchiliklar, tuman iqtisodiy ko‘rsatkichlari yaxshilanmagani, topshiriqlarni bajarmagani uchun vazifasidan ozod qilindi.
Ma’lumot uchun, Prezident Shavkat Mirziyoyev 27-yanvar kuni Buxoro viloyati Kogon shahar to‘rtta sektor (hokim, prokuror, IIB va DSI boshliqlari) rahbarlarini ishdan olgan, ularning bir yillik ish haqini kassaga to‘latish bo‘yicha topshiriq bergandi. Farg‘ona viloyatida 5-fevral kuni o‘tkazilgan xalq deputatlari viloyat kengashi sessiyasidan so‘ng Shavkat Mirziyoyev kutilmaganda Farg‘ona shahridagi “Shodiyona” mahallasiga borgan. Mahalla oralab yurib, aholi bilan uchrashgan. Aholi bilan muloqot qilib, yashash tarzi bilan tanishgan, muammolarini so‘ragan. Shundan so‘ng Farg‘ona shahri “to‘rtligi” vazifasidan ozod qilingan.
Izoh (0)