Ginnesning rekordlar kitobi yana bir jahon rekordini qayd etdi: Xitoyning Geely kompaniyasi 750 ta avtomobil yordamida ulkan mozaikani yaratdi. Ushbu yutuq Xitoy Yangi yili arafasiga to‘g‘ri keldi: mahalliy kalendarga ko‘ra, 2021-yil sigir muchali ostida bo‘lib, yangi “rekordli” kompozitsiya aynan ushbu hayvonga bag‘ishlangan, deb xabar beradi Motor.
Ginnesning rekordlar kitobi qoidalariga ko‘ra, rekord qayd etilishi uchun avtomobillar orasidagi masofa 20 santimetrdan, kompozitsiya maydoni esa 3 ming kvadrat metrdan kam bo‘lmasligi kerak. Geely firmasi ikkala talabni ham bajargan: mashinalar 4-5 santimetr farq bilan terilgan, ornament maydoni esa 7 ming kvadrat metrdan oshib ketgan.
Umuman olganda Geely bir vaqtning o‘zida ikkita mozaikani yaratgan: ularning birida yil ramzi — buqa tasvirlangan bo‘lsa, ikkinchisida — “2021” raqami va ieroglif ko‘rinishidagi imzo. Ginnesning rekordlar kitobi vakillari fleshmobda jami 1339 ta mashina ishtirok etganiga qaramay, ular orasida eng kattasi — 750 avtomobildan iborat mozaikani qayd etgan. Rekordni o‘rnatishda bir xil modeldagi oq va to‘q kulrang Geely Emgrand’dan foydalanilgan.
Avvalroq Finlyandiyada avtomobilni bir mil masofaga itarib borish bo‘yicha yangi jahon rekordi o‘rnatilgani to‘g‘risida xabar berilgandi.
Izoh (0)