2020-yilning dekabr boshlarida Buyuk Britaniya Qirollik havo kuchlariga tegishli samolyot Janubiy Atlantika okeanidan oqib ketayotgan dunyodagi eng katta aysbergni suratga olgani to‘g‘risida xabar berilgandi. A-68a nomli aysberg tadqiqotchilarni hayajonga solib qo‘ygan edi, biroq hozirda u juda o‘zgarib ketgan, deb yozadi Hi-Tech.Mail.ru.
Har bir muz bo‘lagi — qachonlardir yaxlit bo‘lgan A-68a aysbergining bir qismi bo‘lib, uch yildan ortiq vaqt davomida u dunyodagi eng katta aysberg nomini o‘zida saqlab kelgan. Bir necha hafta oldin esa aysberg mayda bo‘laklarga parchalana boshlagan. Jami bo‘laklar soni 11 ta, biroq sun’iy yo‘ldosh suratlarida ularning barchasi tasvirlanmagan. Har bir bo‘lakning o‘z ismi bor, A-68b’dan boshlanib, A-68M’gacha.
A-68a aysbergi 2017-yilning yozida paydo bo‘lgan. O‘shanda u maydoni 5800 kvadrat kilometrga teng ulkan muzdan ajralgan edi. Bu Moskva hududidan ikki barobar katta demak. Suvda suzib yurgan bu kabi obyekt o‘z yo‘lida uchragan orollarning ekotizimini vayron qilib yuborishga qodir, shuningdek, u kemalarga ham xavf tug‘diradi. Aynan shu sababli olimlar uni diqqat bilan kuzatgan va hozirda ham uning bo‘laklari ustidagi tadqiqotlarni davom ettirmoqda.
Bir necha oy oldin e’lon qilingan suratlarda aysberg sekin-asta parchalanayotgani tasvirlangan. U yoriq va bo‘laklar bilan qoplangan edi.
Izoh (0)