Janubiy Afrika Respublikasi (JAR) AstraZeneca’ning koronavirusga qarshi 1 million doza vaksinasini Hindiston zardob institutiga qaytarib berishni rejalashtiryapti. Bu haqda Economic Times nashri 16-fevral, seshanba kuni xabar berdi.
Hukumat rasmiylari mamlakatda koronavirusning keng tarqalgan 501Y.V2 variantidan yuzaga keladigan kasallikning yengil va o‘rtacha shakllarida preparatning samarasi pastligini bunga sabab qilib ko‘rsatdi.
Shuningdek, yaqin haftalarda mamlakatga yana 500 ming doza vaksina keltirilishi kerak.
Avvalroq JAR sog‘liqni saqlash vaziri Zvelini Mkize aholini koronavirusga qarshi emlashni AstraZeneca ingliz-shved kompaniyasining preparatlari bilan boshlanishini aytgan edi.
Ma’lumot uchun, tadqiqotlar AstraZeneca vaksinasi virusning “afrikacha” shtammidan faqat 10 foizga himoya qilishini aniqladi.
Bu yangilikdan keyin JAR vaksinadan foydalanishni to‘xtatdi, chunki mamlakatda tarqalgan virusning 90 foizini “afrikacha” shtamm tashkil qiladi.
Izoh (0)