ZHC niki ostida tanilgan xorijlik bloger PlayStation 5’ning uch metrli ishchi nusxasi tasvirlangan video bilan bo‘lishdi — u original konsoldan deyarli 100 barobarga katta, deb xabar beradi Hi-Tech.Mail.ru. Konsol korpusi katta plastik panellardan ishlangan, hatto original yoritish tizimi ham mavjud. Uning ichiga haqiqiy konsol yashirilgan bo‘lib, uni televizorga ulash mumkin.
Ulkan konsolga qo‘shimcha ravishda katta DualSense geympadi ham yaratilgan — uning yordamida o‘yin o‘ynash mumkin. “To‘g‘risi, bu juda noqulay”, — deyiladi xabarda.
Blogerning so‘zlariga ko‘ra, PlayStation 5’ning mazkur katta nusxasini yaratish 70 ming dollarga tushgan — u haqiqiy konsoldan 175 barobar qimmat.
Barcha jihatlari bo‘yicha PlayStation 5’ning ulkan nusxasi Ginnesning rekordlar kitobiga kiritilishi mumkin, biroq bloger hozircha ariza bermagan.
Eslatib o‘tamiz, Sony kompaniyasi o‘tgan yilning iyunida o‘tkazilgan onlayn taqdimot vaqtida PlayStation 5 yangi avlodining dizaynini namoyish etgandi. Noyabr oyida sotuvga chiqqan Sony PlayStation 5’ning barcha zaxiralari bir kunda sotib bo‘lingan edi.
Izoh (0)