Bugun,

  • USD 11095.31
  • RUB 173.84
  • EUR 10772.44

Toshkent tumanida 1994-yilda o‘zaro otishma sodir etgan jinoiy guruhdan tortib olingan qurollar Toshkent shahar Ichki ishlar bosh boshqarmasida tashkil etilgan shon-sharaf muzeyida namoyish etildi.

Foto: “Daryo”

Foto: “Daryo”

“Daryo” muxbiri Musulmonbek Ibrohimovning muzey ma’muriyatiga tayanib xabar berishicha, 1994-yilning 12-aprel kuni soat 17:00 larda Toshkent tumanida joylashgan “Dendropark”da 2 ta uyushgan jinoiy guruh (N.Kosimov va A.Gaziyev boshchiligida) a’zolari o‘zaro janjallashib qolgan.

Avtomat va pistoletlar bilan qurollangan jinoiy guruh a’zolari Toshkent shahri hududini o‘zaro bo‘lib olish maqsadida otishma sodir etgan. Natijada 5 nafar shaxs voqea joyida vafot etgan, 2 nafari jarohatlangan.

Foto: “Daryo”

Foto: “Daryo”

Ichki ishlar organlari tomonidan jinoiy guruhlarning faoliyatiga chek qo‘yiladi. Ulardan quyidagi qurol-yarog‘lar tortib olingan:

  • 5,45 mm Kalashnikov avtomatlari;
  • 7,65 mm Ceska Zbrojovka to‘pponchasi;
  • 7,66 mm Valter to‘pponchasi;
  • quyma kastetlar;
  • dubinkalar;
  • nunchakilar;
  • qirqma miltiq.
Ma’lumot uchun, muzey ikki qismga bo‘lingan. Birinchi qismda O‘zbekiston hududida dastlabki ichki ishlar organlarining tashkil etilishi va ungacha bu vazifani bajargan tuzilmalar haqida jonli tarix gavdalangan. Ikkinchi qismda esa O‘zbekistonning mustaqillikdan keyingi ichki ishlar tizimi haqida hikoya qiluvchi eksponatlar joylashtirilgan. Muzey barcha tarix ixlosmandlari uchun ochiq va bepul.

Izoh
Asosiy yangiliklar
Dunyo
General Pyotr Pavel Chexiyaning yangi prezidenti etib saylandi
Dunyo
Amerikadagi rus mafiyasi boshlig‘iga aylanib, Rossiyada o‘lim topgan “qonundagi o‘g‘ri” — “Yaponchik”. Kun xronologiyasida 29-yanvar
Mahalliy
Markaziy bank raisining kripto-aktivlar bo‘yicha ma’lumoti rad etildi