Bugun,

  • USD 11095.31
  • RUB 173.84
  • EUR 10772.44

Professional boksning super o‘rta vazn (-76,2 kg) toifasida ringga chiqayotgan o‘zbekistonlik Bektemir Meliqo‘ziyev (7-0, 6 KO) 14-fevral tongida bo‘lib o‘tgan Morgan Fitchga (19-5-1, 8 KO) qarshi jangdagi g‘alabadan keyin o‘z fikrlari bilan o‘rtoqlashdi.

Bektemir Meliqo‘ziyev Morgan Fitchga qarshi jangda

Bektemir Meliqo‘ziyev Morgan Fitchga qarshi jangda
Foto: DAZN
Kelajagim borasida promouter va menejerlarimda reja bor. Faqat shuni aytishim mumkinki, o‘rta vazndan yarim og‘ir vazn toifasigacha hech qaysi raqibdan qo‘rqmayman. Jamoadoshim va do‘stim Dmitriy Bivol — men ringda duch kelmaydigan yagona bokschi. Maqsad — Jahon chempionligi, biroq bunday imkoniyat bo‘lmasa, biz bor imkoniyatlardan eng yaxshilarini tanlaymiz.

Sergey Kovalyovga qarshi jang bekor bo‘lganidan hayratdaman. Bunga professional ringdagi yangi tajriba sifatida qarayman. Bu men uchun ulkan imkoniyat edi va umid qilamanki, vaziyat yaxshilansa Sergey Kovalyovga qarshi jang tashkil qilsh imkoniyati bo‘ladi. Professional boksdagi ilk kunimdan boshlab eng kuchli va top-bokschilarga qarshi ringga ko‘tarilishga tayyorman.

Bektemir Meliqo‘ziyev, bokschi

Eslatib o‘tamiz, Bektemir Meliqo‘ziyev aslida 30-yanvar kuni yarim og‘ir vazn toifasida WBA Super, IBF, WBO chempionlik kamarlarining sobiq sohibi, rossiyalik Sergey Kovalyov (34-4-1, 29 KO) bilan jang qilishi lozim edi. Biroq Kovalyovda doping aniqlangani bois jang bekor qilingandi.

Bektemir Meliqo‘ziyevning professional boksdagi 7 ta jangini bu yerda tomosha qilish mumkin — video.

Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!

Izoh
Asosiy yangiliklar
Dunyo
Turkiya va Suriyadagi zilzilada halok bo‘lganlar soni 9 mingdan oshdi
Mahalliy
Shavkat Mirziyoyev Toshkent yerusti metrosining qurilish ishlari bilan tanishdi 
Mahalliy
Mudofaa vazirligida qator tayinlovlar amalga oshirildi