O‘zbekiston Oliy va o‘rta maxsus ta’lim vaziri Abduqodir Toshqulov Namangan muhandislik-texnologiya instituti talabalar oshxonasida tushlik qildi. Vazir 13-fevral kuni ushbu institutga borib, undagi ta’lim jarayonlari bilan yaqindan tanishdi. Institutning 450 ga yaqin talabaga mo‘ljallangan yotoqxonasiga ham tashrif buyurib, o‘rganish olib bordi.

14-yanvar kuni oliy va o‘rta maxsus ta’lim vaziri lavozimini egallagan Abduqodir Toshqulov, avvalroq yotoqxonalarda o‘g‘il bolalar va qizlarning bitta qavatda yashashini, OTMlarning aloqa telefonlari ishlamasligini, vazifasiga sovuqqonlik bilan yondashgan bir qator rektorlarni tanqid qilgandi. Vazir oliy ta’lim muassasasida hammasini isloh qilish uchun atigi 3 oy yetarli ekanini aytgan.

Foto: “Namangan24”