Polshada xususiy nashrlar OAVga reklama solig‘i qo‘llanilishiga qarshi o‘z noroziligini bildirmoqda

Polshadagi bir necha xususiy telekanallar, radiostansiyalar va internet nashrlari 10-fevral kuni ish tashlash e’lon qildi, deb xabar bermoqda Reuters.

Rejalashtirilgan soliq, hukumatning fikriga ko‘ra, koronavirus pandemiyasi tomonidan jiddiy zarar ko‘rgan sog‘liqni saqlash va madaniyat sohasi uchun mablag‘ yig‘ishga yordam beradi. Soliq reklama daromadlarining 2 foizidan 15 foizigacha solinishi mumkin. Miqdor kompaniya kattaligiga qarab hisoblab chiqiladi.

Polsha bosh vaziri Mateush Moravetskiy qonun loyihasi ustida ish olib borishini ma’lum qildi.

“Biz ortiq kutishni xohlamaymiz va biz televizor ekranlarida, kompyuterlarimizda hamda telefonlarimizda paydo bo‘ladigan raqamli dunyo uchun javob beradigan yangi yechimlarni taklif qilmoqdamiz. Boylarning boyligi sabab kambag‘allar yanada kambag‘al bo‘lmasligi kerak. Ular ijtimoiy-iqtisodiy rivojlanishda ham ishtirok etishlari kerak”, – dedi hukumat rahbari.

Tanqidchilari ta’kidlashlaricha, qonun bilan mamlakat rasmiylari ommaviy axborot vositalari ustidan nazoratni kuchaytirishga qaror qilgan. Dekabr oyida davlatga qarashli PKN Orlen neftni qayta ishlash zavodi Germaniyaga tegishli Polska Press’ni sotib olganini e’lon qilganida bu masala birinchi bor ko‘tarildi.

https://twitter.com/sokoIowski/statuses/1359423987248472064

Mustaqil nashriyot guruhlari rasmiylarga murojaat qilib, soliq “Polshada ba’zi ommaviy axborot vositalarini zaiflashtirish va hatto yo‘q qilishni” va xususiy hamda davlatga tegishli ommaviy axborot vositalari o‘rtasidagi tengsizlikni chuqurlashtirishni anglatadi.

“Ko‘pgina nashrlar rentabellik chegarasida muvozanatlashmoqda. Ushbu qo‘shimcha soliq qolgan barcha foydani olib qo‘yishi mumkin”, – deydi Press Publishers assotsiatsiyasi rahbari Marek Frakovyak.

Tashkilot ma’lumotlariga ko‘ra, pandemiya paytida ommaviy axborot vositalarining reklamadan tushumlari 30-50 foizga, sotuvlar esa 30 foizga kamaygan. Asosiy nashrlar daromadlarning pasayishi haqida shikoyat qilgan.

Onet Bartosz Veglarchik internet nashri bosh muharriri so‘zlariga ko‘ra, yangi soliq tufayli nashrning bosh kompaniyasi yiliga 10-20 million zlotiy (2,7–5,4 million dollar) to‘lashi kerak.

Ish tashlashda ishtirok etmagan TVP Info davlat televideniyesi “ommaviy axborot vositalari o‘zlarining millionlab dollarlik foydalarini polyaklar bilan bo‘lishishni istamasligini” va “Polshaga mustamlaka kabi munosabatda bo‘lishini” e’lon qildi. Hukumat uzoq vaqtdan beri xorijiy OAV Polsha ommaviy axborot vositalari maydonida juda katta kuchga ega ekanligi va ular jamoat munozaralarini buzib ko‘rsatayotgani haqida da’vo qilmoqda.